რუსეთის სახელმწიფო დუმაში კანონპროექტი შეიტანეს, რომელიც 1954 წელს რუსეთის საბჭოთა ფედერაციული სოციალისტური რესპუბლიკიდან გამოსვლას და უკრაინის შემადგენლობაში შესვლის უკანონოდ აღიარებას მოითხოვს, - ამის შესახებ ინფორმაციას რუსული მედიასაშუალება „მედუზა“ ავრცელებს.

კანონპროექტის ავტორები რუსეთის სახელმწიფო დუმის დეპუტატი, კონსტანტინე ზატულინი და რუსეთის ფედერალური საბჭოს წევრი სერგეი ცეკოვი არიან. მათ მიერ მომზადებული კანონპროექტი რუსეთის სახელმწიფო დუმის ვებგვერდზე გამოქვეყნდა.

რუსი დეპუტატების აზრით, ყირიმის გადაცემა „არალეგალურად“ უნდა იქნას აღიარებული, რათა „უკრაინის ხელისუფლებას პროპაგანდის ხელიდან ის საფუძველი გამოეცალოს, რომლითაც 2014 წელს ყირიმის ოკუპაციის შესახებ საუბრობს“.

კანონპროექტის ავტორებს მიაჩნიათ, რომ 1954 წლის გადაწყვეტილების უკანონოდ ცნობა „უკრაინის მოკავშირეებს ყირიმის დაბრუნების შესახებ კიევის პრეტენზიების მხარდაჭერას გაურთულებს“.