მამუკა მდინარაძე - ზურაბიშვილმა წარმოადგინა ვეტოს საფუძველი, რომელიც არ შეესაბამება ვენეციის კომისიას, მან მხარი დაუჭირა „ნაცებს“ - ისიც თანამზრახველია

სალომე ზურაბიშვილს თეორიულად უნდა აწუხებდეს ორი რაღაც - ვენეციის კომისიას არ შეესაბამება და ვადებ ვეტოს, ან მე „ნაცების“ მხარეს ვარ და ამიტომ ვადებ ვეტოს. ვენეციის კომისიის დასკვნას მისი „მოტივირებული“ შენიშვნა არ შეესაბამება, ანუ დარჩა ერთი ვერსია, მან მხარი დაუჭირა „ნაცების“ ვერსიას , - ამის შესახებ "ქართული ოცნების" აღმასრულებელმა მდივანმა, მამუკა მდინარაძემ „პალიტრანიუსის“ გადაცემაში "360 გრადუსი", პრეზიდენტის მიერ საარჩევნო კოდექსში“ მიღებულ ცვლილებებზე ვეტოს დადების თაობაზე განაცხადა.

მდინარაძის თქმით, ოპოზიცია ჩაეჭიდა ერთ პუნქტს, რომლის აღსრულება კატეგორიულად მიუღებელია და ამის ახსნა იქნება დასაბუთებული და „უმყარესი არგუმენტებით“ გაჯერებული.

„ჩაეჭიდნენ ერთ პუნქტს, რომლის აღსრულება ჩვენთვის კატეგორიულად მიუღებელია და ჩვენ ვთქვით, რომ თუ ჩვენი პარტნიორების მოწოდებებს, რეკომენდაციებს, სარეკომენდაციო ხასიათის არის ეს ყველაფერი, თუ არ გავითვალისწინებთ, ჩვენ ამის ახსნა გვექნება დასაბუთებული და უმყარესი არგუმენტებით გაჯერებული. დანარჩენს გავითვალისწინებთ რაც მისაღებია ჩვენთვის, რაც გამომდინარეობს საქართველოს კონსტიტუციიდან, ეროვნული პრინციპებიდან გამომდინარეობს და სუვერენიტეტს არ ეხება“, - აღნიშნა მდინარაძემ.

მისივე თქმით, ოპოზიციას ჰქონდა მოქმედ თავმჯდომარეზე, გიორგი კალანდარიშვილზე დაწერილი გეგმა, როგორ უნდა გადამდგარიყო „საზოგადოების“ ზეწოლის შედეგად და როგორ უნდა ჩაენაცვლებინა ის ხაზარაძის პოლიტსაბჭოს წევრს, თუმცა კალანდარიშვილმა დეტალური პასუხი გასცა ბრალდებებზე.

„ჩვენ გვაქვს მოცემულობა, როდესაც ცესკოს თავმჯდომარის გადადგომის ან მის მიერ თავის მოვალეობის სხვა რამის გამო შეუსრულებლობის შემთხვევაში, მის მოვალეობას ასრულებს მოადგილე. ანუ ჩვენ რომ დაგვიდგეს ის შემთხვევა, როდესაც ან ჯანმრთელობის მდგომარეობის გამო, ან სხვა რაღაცის გამო ცესკოს თავმჯდომარე ვერ შეასრულებს თავის მოვალეობას, ასრულებს მის მოვალეობას ხაზარაძის პოლიტსაბჭოს წევრი, პარტიული კანდიდატურა. მათ ჰქონდათ მოქმედ თავმჯდომარეზე დაწერილი პიარული გეგმა, როგორ უნდა დაებულინგებინათ, შემდეგ ამ „საზოგადოებრივი“ ზეწოლის შედეგად უნდა გადამდგარიყო და ხაზარაძეს უნდა ჩაეტარებინა თავისი პოლიტსაბჭოს წევრით, სიორიძით არჩევნები. როგორც კი კანონი მივიღეთ, მათ უკვე დააჩქარეს, ხაზარაძისვე ტელევიზიიდან გამოაგდეს ფეიკი, რადგან უკვე აზრი აღარ ჰქონდა, უკვე წავიდა ზეწოლა და ბულინგი ცესკოს მოქმედ თავმჯდომარეზე და თქვეს, რომ ის არის დაუსაბუთებელი ქონების პატრონი და ა.შ. ამაზე დეტალურად გასცა პასუხი კალანდარიშვილმა, ყველა თეთრი, ყველა ქონება რაც ჰქონდა ოჯახს დაასაბუთა. ბოლოს მივედით სად, სალომე ზურაბიშვილმა დაადო ვეტო, ანუ სალომე ზურაბიშვილიც თანამზრახველია, სხვანაირად მან წარმოადგინა ვეტოს საფუძველი, რომელიც არ შეესაბამება ვენეციის კომისიას“, - განაცხადა მამუკა მდინარაძემ.

ხათუნა ბურკაძე - პარლამენტმა არ უნდა მიიღოს კანონპროექტი, რომელიც გვყოფს, გვაპირისპირებს და ჩვენს ევროპულ მომავალს აზიანებს
ვაჟა ბერიძე - გაუწევენ დასავლეთში ივანიშვილს ანგარიშს? ის, ხომ სადღეისოდ, ქვეყანაში ვითარებას აკონტროლებს, მაგრამ უღირს დასავლეთს ივანიშვილთან ახალ პირობებზე გარიგება დადოს?
ქართული პრესის მიმოხილვა 13.05.2024
კახა ოქრიაშვილი - „უცხოეთის გავლენის აგენტების“ შესახებ კანონის მიღება ევროკავშირის კარს ბოქლომს სამუდამოდ დაადებს!
გახსენით ევროპული ანგარიში ევროპულ ბანკში - „პეისერა ბანკი საქართველო“ უსაზღვრო ევროპულ შესაძლებლობებსა და უსაფრთხოების ევროპულ სტანდარტს გთავაზობთ
Tether აღმოსავლეთ ევროპაში საგადახდო სექტორის გაძლიერებას CityPay.io-ში დამატებითი ინვესტიციებით აგრძელებს
Hotsale.ge-მ ინტელექტუალური თამაშის - „რა? სად? როდის?“ ბიზნეს ლიგის გამარჯვებულებს საჩუქრები გადასცა
ჯო ენის საუნივერსიტეტო ჰოსპიტალში თავის ტვინის სიმსივნის ბიოფსია ახალი, ულტრათანამედროვე ნეირონავიგაციის სისტემით ჩატარდა