ნიკოლოზ სამხარაძემ რუმინეთის დიპლომატიის ინსტიტუტში საჯარო ლექცია წაიკითხა

რუმინეთში ვიზიტის ფარგლებში საგარეო ურთიერთობათა კომიტეტის თავმჯდომარემ ნიკოლოზ სამხარაძემ რუმინეთის დიპლომატიის ინსტიტუტში საჯარო ლექცია წაიკითხა თემაზე - “საქართველოს საგარეო პოლიტიკა შავი ზღვის რეგიონში უსაფრთხოების მზარდი გამოწვევების ფონზე“.

პარლამენტის პრესსამსახურის ინფორმაციით, საგარეო ურთიერთობათა კომიტეტის თავმჯდომარემ საგარეო პოლიტიკის პრიორიტეტებზე, ქვეყნის ევროპულ და ევროატლანტიკურ ინტეგრაციაზე, ამ მიმართულებით გადადგმულ ნაბიჯებსა და სამომავლო გეგმებზე ისაუბრა.

სამხარაძემ რეგიონული უსაფრთხოების გარემო და არსებული გამოწვევები მიმოიხილა. ყურადღება გაამახვილა საქართველოს ოკუპირებულ რეგიონებში არსებულ რთულ ვითარებაზე, აგრეთვე გლობალური უსაფრთხოების გამოწვევებზე.

“ჩვენ საქართველოსთან საზღვაო მეზობლები ვართ და მრავალმხრივი, მათ შორის ეკონომიკური, ენერგო და ა.შ. კავშირები გვაქვს. ეს კავშირები რუმინეთისთვის ძალიან მნიშვნელოვანია, ამიტომ საინტერესოა ქართველი კანონმდებლის აზრი გლობალურ საკითხებზე“, - აღნიშნა რუმინეთის დიპლომატიის ინსტიტუტის გენერალურმა დირექტორმა ლილიანა პოპესკუ-ბირლანიმ.

ლექციას რუმინეთში აკრედიტებული ელჩები, საერთაშორისო ორგანიზაციების წარმომადგენლები, რუმინული კვლევითი ორგანიზაციების მკვლევრები, პარლამენტის წევრები და საჯარო მოხელეები ესწრებოდნენ.

სამხარაძემ და დელეგაციის წევრებმა ვიზიტის ფარგლებში, სამუშაო შეხვედრა რუმინეთის ანალიტიკური ცენტრების მკვლევრებთან გამართეს, რომელიც რუმინეთის წამყვანი კვლევითი ორგანიზაციის “ახალი სტრატეგიის ცენტრის“ ორგანიზებით გაიმართა.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა