რუსეთი პარიზის ოლიმპიადას ბოიკოტს არ გამოუცხადებს. ამის შესახებ რუსეთის ოლიმპიური კომიტეტის პრეზიდენტმა, სტანისლავ პოზდნიაკოვმა განაცხადა.

„ჩვენ ბოიკოტის გზას არასდროს ავირჩევთ. ჩვენს სპორტსმენებს მხარს ყოველთვის დავუჭერთ. მაგრამ ხაზს ვუსვამთ, რომ საერთაშორისო ოლიმპიური კომიტეტის მიერ წამოყენებული პირობები უკანონო, უსამართლო და მიუღებელია“, - განაცხადა სტანისლავ პოზდნიაკოვმა.

შეგახსენებთ, საერთაშორისო ოლიმპიურმა კომიტეტმა რუს და ბელარუს სპორტსმენებს 2024 წლის პარიზის ოლიმპიურ თამაშებზე ნეიტრალური სტატუსით მონაწილეობის უფლება მისცა.