ფასებზე გვესაუბრება ის პოლიტიკური ძალა, რომელიც ნებისმიერ მომენტში მზად არის ქვეყანა არიოს, რომელთაც თავისი ქვეყანა ემეტებათ ომისთვის, რომლებიც ადამიანებს ართმევდნენ თაობების მიერ შეგროვილ ქონებას და ბიზნესებს, რომლებმაც სასჯელაღსრულების სისტემაში 300 ათასი ადამიანი ისე გაატარეს, რომ აქედან მინიმუმ 100 ათასს დარჩა ჯანმრთელობის სერიოზული პრობლემები და მინიმუმ 200 ათასს შემდეგ წლებში გაუჭირდა, რომ სამსახური ეპოვნა და ის ტრავმა და სტრესი, რაც იქ განიცადა, გადაელახა - ამის შესახებ პარლამენტის თავმჯდომარის მოადგილემ არჩილ თალაკვაძემ განაცხადა.

მისი თქმით, ფასების ზრდაზე საუბარი ეკონომიკის სფეროში დიდი უცოდინრობა პოპულიზმია - „ნაციონალური მოძრაობა“ და რადიკალური ოპოზიცია არც ერთის პრობლემას განიცდის და არც მეორის, ორივე ნაწილში საუკეთესოები ჰყავთ გუნდში.

არჩილ თალაკვაძემ ისაუბრა იმაზე, თუ რა გააკეთა „ქართული ოცნების“ ხელისუფლებამ ამ წლების განმავლობაში ჩვენი მოქალაქეების კეთილდღეობისა და იმისთვის, რომ მათ ჰქონოდათ უფრო მეტი დასაქმების შესაძლებლობა, უკეთესი სოციალური გარანტიები და რაც მთავარია, უსაფრთხოება და მშვიდობა.

„ნაციონალურ მოძრაობასთან“ შედარებაც კი არ ღირს, იმდენად დიდი კონტრასტია, თუ რა იყო მაშინ, როცა ჩვენ გადმოვიბარეთ ხელისუფლება ამ მიმართულებით და რა არის დღეს. ფასების ზრდაზე საუბარი ეს არის ერთი მხრივ ეკონომიკის სფეროში დიდი უცოდინრობა და მეორე მხრივ, პოპულიზმი. არც ერთის პრობლემას განიცდის ნაციონალური მოძრაობა და რადიკალური ოპოზიცია და არც მეორის. შეიძლება ითქვას, რომ ორივეში საუკეთესოები ყავთ ახლა გუნდში. რაც შეეხება კეთილდღეობას და ფასებს - ფასებზე გვესაუბრება ის პოლიტიკური ძალა, რომელიც ნებისმიერ მომენტში მზად არის ქვეყანა არიოს, რომელთაც თავისი ქვეყანა ემეტებათ ომისთვის, რომლებიც ადამიანებს ართმევდნენ თაობების მიერ შეგროვილ ქონებას და ბიზნესებს, რომლებმაც სასჯელაღსრულების სისტემაში 300 ათასი ადამიანი ისე გაატარეს, რომ აქედან მინიმუმ 100 ათასს დარჩა ჯანმრთელობის სერიოზული პრობლემები და მინიმუმ 200 ათასს შემდეგ წლებში გაუჭირდა, რომ სამსახური ეპოვნა და ის ტრავმა და სტრესი, რაც იქ განიცადა, გადაელახა. ის ადამიანები ხომ ოჯახის წევრები იყვნენ, მამები, მშობლები, ძმები? დღემდე, წლების შემდეგაც კი, არაერთ ადამიანს, ვინც ის რეჟიმი გამოიარა, ათი ათასობით ლარი დასჭირდა, ჯანმრთელობა რომ აღედგინა“,- განაცხადა არჩილ თალაკვაძემ.