რუსული უპილოტო საფრენი აპარატი ვინიცის ოლქში საცხოვრებელ სახლს დაეჯახა, რის შედეგადაც ერთი ადამიანი დაიღუპა და ოთხი დაშავდა, - ინფორმაციას უკრაინული მედია ავრცელებს.

ვინიცის საოლქო-სამხედრო ადმინისტრაციის ხელმძღვანელის, სერგეი ბორზოვის განცხადებით, ოთხივე დაშავებული საავადმყოფოში გადაიყვანეს.

"ინციდენტის ადგილზე ყველა შესაბამისი სამსახური მუშაობს. სამუშაოები ნანგრევების გასასუფთავებლად გრძელდება“, - აცხადებს სერგეი ბორზოვი.

მოგვიანებით, უკრაინის საჰაერო ძალებმა გაავრცელა ინფორმაცია, რომ დრონები დაფიქსირდა სუმის ოლქშიც. ამასთან, კიევის საქალაქო-სამხედრო ადმინისტრაციის ხელმძღვანელმა სერგეი პოპკომ განაცხადა, რომ კიევის ოლქში, დედაქალაქის მისადგომებთან, საჰაერო თავდაცვა მოქმედებს.