ბექა ლილუაშვილი - გვარამიას აქვს ერთადერთი რესურსი: საზოგადოებას აჩვენოს, რომ არის კლასიკურ „ნაცებზე“ უფრო უკეთესი „ნაცი“ - შეუძლებელია საზოგადოება დააჯერო, რომ „ნაცებს“ გაემიჯნა

გვარამიას აქვს ერთადერთი რესურსი - საზოგადოებას აჩვენოს, რომ ის არის კლასიკურ „ნაცებზე" უფრო უკეთესი „ნაცი“ - რა თქმა უნდა, შეუძლებელია „ნაციონალური მოძრაობის“ იდეოლოგმა საზოგადოებას დააჯეროს, რომ ამ პარტიას გაემიჯნა - ამის შესახებ პარტიის „საქართველოსთვის“ დეპუტატმა, ბექა ლილუაშვილმა ჟურნალისტებთან საუბრისას განაცხადა.

მისივე თქმით, მელიასა და გვარამიას გაერთიანებით კოლექტიური "ნაციონალური მოძრაობის" წიაღში ახალი სუბიექტი გაჩნდა და ამით, მისი პარტიისთვის არაფერი შეცვლილა.

როგორც ლილუაშვილი აღნიშნავს, პარტიის "საქართველოსთვის" მიზანია, რომ არჩევნებზე "ქართულმა ოცნებამ" და "ნაციონალურმა მოძრაობამ" ერთად 50% ვერ გადალახონ.

"ჩვენ მივდივართ არჩევნებზე ჩვენი პარტიული ნომრით, არ ვერთიანდებით არც ერთ სხვა პარტიასთან და ვძლიერდებით. რაც შეეხება ორი ნიკას პარტიას - საიდან უნდა გაემიჯნონ? ერთი არის იდეოლოგი და ფუძემდებელი "ნაციონალური მოძრაობის" და მეორე არის ყველაზე რადიკალური ქმედებების მონაწილე. ჩვენთვის არც არაფერი შეცვლილა, უბრალოდ, ახალი სუბიექტი გაჩნდა კოლექტიური "ნაციონალური მოძრაობის" წიაღში.

გვარამიას აქვს ერთადერთი რესურსი - აჩვენოს, ყოველ შემთხვევაში ეცადოს, რომ საზოგადოებას აჩვენოს, რომ ის არის კლასიკურ "ნაცებზე" უფრო უკეთესი "ნაცი". ეს არის მისი ერთადერთი მიზანი და მოტივაცია. რა თქმა უნდა, შეუძლებელია "ნაციონალური მოძრაობის" იდეოლოგმა ეს საზოგადოებას დააჯეროს. ამ თვალსაზრისით რაც უფრო მეტად ეცდებიან ამ ილუზიის შექმნას, მით უფრო მეტად მოგვეხმარებიან ჩვენი ამოცანის მიღწევაში, რომ 50% ვერ გადალახოს ვერც ერთმა," - განაცხადა ლილუაშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე