თორნიკე რიჟვაძე - ხალხმა ძალიან კარგად იცის, რომ რამდენი სახელიც და პარტიული ნომერიც არ უნდა შეიცვალონ, ამ არჩევნებში „ქართული ოცნება“ საკონსტიტუციო უმრავლესობით გაიმარჯვებს

ოპოზიციური სპექტრი დაცლილია შინაარსისგან, ამ შემთხვევაშიც საქმე გვაქვს დისკრედიტირებულ, გაბანკროტებულ პოლიტიკურ ფიგურებთან,- ამის შესახებ აჭარის მთავრობის თავმჯდომარემ, თორნიკე რიჟვაძე, პარტია „ახალი“-ს შესახებ განაცხადა.

მისივე განცხადებით, ფსევდო ახალი სახეები ცდილობენ გარკვეული სიახლე შემოიტანონ პოლიტიკურ ცხოვრებაში. მისი თქმით, მათ ძალიან გაუჭირდებათ დამკვიდრება და ასევე, გაუჭირდებათ მინიმალური ბარიერის გადალახვაც.

„სამწუხაროდ, ოპოზიციური სპექტრი დაცლილია შინაარსისგან. ფსევდო ახალი სახეები ცდილობენ, რომ გარკვეული სიახლე შემოიტანონ პოლიტიკურ ცხოვრებაში. ამ შემთხვევაშიც, საქმე გაქვს დისკრედიტირებულ, გაბანკროტებულ პოლიტიკურ ფიგურებთან და დარწმუნებული ვარ, მათ ძალიან გაუჭირდებათ დამკვიდრება. ასევე, გაუჭირდებათ მინიმალური ბარიერის გადალახვაც. ჩვენმა ხალხმა ძალიან კარგად იცის, რომ რამდენი სახელიც და პარტიული ნომერიც არ უნდა შეიცვალონ, სხვათა შორის, პარტიული ნომერიც სხვისგან ითხოვეს, მათ წარმატებაზე საუბარი გადაჭარბებულია. დარწმუნებული ვარ, რომ ოქტომბერში ყველა კიდევ ერთხელ ნახავს, რომ ჩვენი პოლიტიკური ძალა - „ქართული ოცნება“ მორიგ ჯერზე, საკონსტიტუციო უმრავლესობით გაიმარჯვებს ამ არჩევნებში,“ - აღნიშნა თორნიკე რიჟვაძემ, რომლის კომენტარსაც აჭარის მთავრობის პრესსამსახური ავრცელებს.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე
კავკასიის უნივერსიტეტში NATO 75 საზეიმო სხდომა გაიმართა და ირაკლი წერეთლის სახელობის ნატოს კვლევითი ცენტრი გაიხსნა
TNET-ისა და Visa-ს ერთობლივი გრანდიოზული გათამაშება იწყება
გონიო, ბათუმი: საინვესტიციო შესაძლებლობები და ურბანული განვითარება
წინანდლის მამულში საგაზაფხულო სეზონი კირილ ზდანევიჩის გამოფენით გაიხსნება