ვახტანგ მეგრელიშვილი მაია ბითაძეს - „შინაურ, ბინადარ ცხოველთა შესახებ“ კანონპროექტს ადამიანის საკუთრებაში შეჭრა, მისი კონტროლი და დაბეგვრა უდევს საფუძვლად, ისევე როგორც ნებისმიერ ლგბტ პროპაგანდას

„შინაურ, ბინადარ ცხოველთა შესახებ“ კანონის პროექტს ადამიანის საკუთრებაში შეჭრა, მისი კონტროლი და დაბეგვრა უდევს საფუძვლად, ისევე როგორც ნებისმიერ ლგბტ პროპაგანდას, - ასე მიმართა „გირჩის“ დეპუტატმა, ვახტანგ მეგრელიშვილმა, გარემოს დაცვის კომიტეტის თავმჯდომარეს მაია ბითაძეს, კომიტეტის სხდომაზე, სადაც კანონპროექტის პირველი მოსმენით განხილვა მიმდინარეობს.

მისივე თქმით, „ეს არის ბოროტი კანონი“.

„თქვენ ამ კანონპროექტით სინამდვილეში სპეციფიკურად ბეგრავთ ადამიანებს, რომლებსაც ძაღლები უყვართ, ძაღლები მათი საკუთრებაა. თქვენ იჭრებით ადამიანების საკუთრების უფლებაში. „დაჩიპვა“ რომ წარმოიდგინოთ... პრობლემა, რომელზეც თქვენ აპელირებთ, იმის გამოა შექმნილი, რომ საჯარო სივრცეში, საჯარო სივრცის მეპატრონე, მერია იქნება თუ ვინც არ უნდა იყოს, ვერ ახერხებს საკუთრების მიხედვას; იმის გამო, რომ თქვენ, სახელმწიფო ვერ ახერხებთ საკუთრებაში წესრიგის დამყარებას. ამის გამო უვარდებით ადამიანებს სახლში, ფიზიკურად, დანომვრა გინდათ. გინდათ, რომ რეესტრი გააკეთოთ, რათა შემდეგ ნებისმიერი ადამიანი დასაჯოთ. აკრძალვები, რომელიც ეხება ძაღლებთან დაკავშირებულ ურთიერთობებს, უბრალოდ უაზრობაა საზოგადოებაში, რომელიც ძროხის ხორცს ბიფშტექსად მივირთმევთ. ამაშია იდეოლოგიური განსხვავება. პოლიტიკური პოზიცია ჩვენ ძალიან განსხვავებული გვაქვს. მივიჩნევთ, რომ ეს არის ბოროტი კანონი. თქვენ, რომ ეძახით გლობალისტებს, იგივე იდეოლოგია უდევს საფუძვლად ამ კანონს - ადამიანის საკუთრებაში შეჭრა, მისი კონტროლი და დაბეგვრა უდევს ამ კანონს, რაც ნებისმიერ ლგბტ პროპაგანდას. რომ იცოდეთ, ეს ერთი და იგივეა. თქვენ იმ გუნდის წარმომადგენლები ბრძანდებით, ამ კანონის გატანითაც და მისი ინიცირებითაც, ვისაც თქვენ ებრძვით“,- განაცხადა ვახტანგ მეგრელიშვილმა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის