ნინო წილოსანი - პრეზიდენტის „მოტივირებულ შენიშვნებს“ მხოლოდ ფორმალურად ჰქვია „მოტივირებული“ - ის ვეტოს დამდების შესახებ უფრო მეტს მეტყველებს, ვიდრე თავად შენიშვნის შინაარსზე

პრეზიდენტის „მოტივირებულ შენიშვნებს“ მხოლოდ ფორმალურად ჰქვია მოტივირებული - ეს ვეტო ემსახურება მხოლოდ სალომე ზურაბიშვილის ანტისახელისუფლებო და ანტიეროვნულ კამპანიას, - ამის შესახებ საპარლამენტო უმრავლესობის დეპუტატმა, ნინო წილოსანმა განაცხადა, რითაც "საარჩევნო კოდექსში" შეტანილ ცვლილებებზე პრეზიდენტის ვეტო შეაფასა.

მისივე თქმით, "ვეტოს დამდების შესახებ უფრო მეტს მეტყველებს ეს შენიშვნები, ვიდრე თავად შენიშვნის შინაარსზე".

როგორც წილოსანი აღნიშნავს, საპარლამენტო უმრავლესობას ვეტოს დაძლევის ლეგიტიმაცია გააჩნია.

"სამწუხაროდ, პრეზიდენტის წარმოდგენილ ვეტოს, მოტივირებულ შენიშვნებს მხოლოდ ფორმალურად ჰქვია მოტივირებული, რადგან მისი ერთადერთი მოტივაცია არის, რომ ხელი შეუშალოს ზოგადად, საარჩევნო კომისიის გამართულად ფუნქციონირებას. რა თქმა უნდა, ვეტოს დამდების შესახებ უფრო მეტს მეტყველებს ეს შენიშვნები, ვიდრე თავად შენიშვნის შინაარსზე. პარლამენტს, ამ შემთხვევაში, უმრავლესობას აქვს ლეგიტიმაცია, რომ დაძლიოს ვეტო, რომელიც არაფერს ემსახურება და ემსახურება მხოლოდ ქალბატონი სალომე ზურაბიშვილის ანტისახელისუფლებო და ანტიეროვნულ კამპანიას, რომ დაგმოს და უარყოს ყველაფერი ის მნიშვნელოვანი და აუცილებელი, რაც საქართველოს ევროკავშირში გაწევრიანებასთან არის დაკავშირებული," - განაცხადა წილოსანმა.

ცნობისთვის, პარლამენტი საარჩევნო კანონმდებლობასა და რეგლამენტში განხორციელებულ ცვლილებებთან დაკავშირებით პრეზიდენტის ვეტოს - ე.წ. მოტივირებული შენიშვნების განხილვას დღეს იწყებს.

სალომე ზურაბიშვილის "მოტივირებულ შენიშვნებზე" დღეს პარლამენტის იურიდიულ საკითხთა კომიტეტი იმსჯელებს. როგორც საპარლამენტო უმრავლესობაში აცხადებენ, ვეტო მიმდინარე კვირაში იქნება დაძლეული.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე