„ნავთობპროდუქტების იმპორტიორთა კავშირის“ თავმჯდომარე - საწვავზე ფასის გაძვირების რაიმე რისკი არ არსებობს

მინდა გითხრათ, რომ საწვავზე ფასის გაძვირების რაიმე [რისკი] არ არსებობს, - ამის შესახებ „ნავთობპროდუქტების იმპორტიორთა კავშირის“ თავმჯდომარემ, ვახტანგ იობაშვილმა განაცხადა.

მისივე თქმით, თუ პოლიტიკურმა გავლენამ მსოფლიო სანავთობო ბაზრებზე არ იმოქმედა, „ჩვენ დღეისთვის არაფერი არ გვემუქრება“.

გარდა ამისა, იობაშვილის განმარტებით, საქართველოს კარგი გეოგრაფიული მდებარეობიდან გამომდინარე ქვეყანაში საწვავის დეფიციტის შექმნის საშიშროება არ არსებობს.

„ვერ დავეთანხმები, რომ [საწვავი] შეიძლება 20 თეთრით გაიზარდოს, ვერ გაიზრდება. დღეს ჩვენ ამის არანაირი საფუძველი არ გვაქვს. გათანაბრებულია ფასი ევროპისა და რუსული პროდუქტისა, აქედან გამომდინარე, მინდა გითხრათ, რომ არანაირი ფასის გაძვირების რაიმე [რისკი] არ არსებობს. უფრო მეტიც, [საწვავზე] ფასის გაძვირება არის დამოკიდებული მსოფლიო სანავთობო ბაზრებზე. თუ პოლიტიკურმა გავლენამ მსოფლიო სანავთობო ბაზრებზე არ იმოქმედა, ჩვენ დღეისთვის არაფერი არ გვემუქრება. ამასთან, არც დეფიციტი გვემუქრება. ამიტომ ჩვენ შეგვიძლია წყნარად ვიყოთ. საქართველოს სანავთობო ბაზარი დღეს დღეობით არის სტაბილიზირებული და ეს სტაბილიზება გაგრძელდება მანამ, სანამ რაიმე მსოფლიო სანავთობო ბაზრებზე არ მოხდება. კიდევ ერთხელ ვიმეორებ, რუსეთის გავლენა არ იმოქმედებს იმიტომ, რომ ფაქტობრივად, გაწონასწორებულია ფასები. რუსეთს ერთ პლუსი ჰქონდა, ქართული კომპანიებისთვის ტრანსპორტირება ბევრად მისაღები იყო იმიტომ, რომ ვაგონებით მოდიოდა, კერძოდ, გარდაბანში და აღარ სჭირდებოდა იმ პროდუქტს, არც გადატვირთვა და არც რაიმე დამატებითი ხარჯები. ფაქტობრივად, ბოლო თვეებში ფასები გათანაბრებული იყო. ჩვენ დღესდღეობით არაფერი არ გვემუქრება. ზოგიერთი ექსპერტი ამბობს, რომ შეიძლება დეფიციტი შეიქმნას, დეფიციტი არასოდეს არ შექმნილა და საქართველოში დეფიციტი არასოდეს არ შეიქმნება იმიტომ, რომ ჩვენ კარგი გეოგრაფიული მდებარეობა გვაქვს. საქართველოში ევროპული საწვავი დღეისთვის გაჯერებულია. ყველა დიდ კომპანიას თავისი მარაგებიც კი აქვს. არანაირ პრობლემას ვერ ვხედავ - არ ვიყიდით ივანესგან {საწვავს} და ვიყიდით ჯორჯისგან, ევროპისგან ვიყიდით. კონკრეტული ქვეყნებია, პირველ რიგში, რა თქმა უნდა, „რომპეტროლი“ (რუმინეთი), ბულგარეთი, თურქმენეთი, აზერბაიჯანი, საბერძნეთი. საწვავს ყველა იმ ქვეყნიდან მოვიტანთ, საიდანაც იაფი დაგვიჯდება“, - განაცხადა ვახტანგ იობაშვილმა “კვირის“ პრესკლუბში.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა