მიხეილ დაუშვილი - ხელისუფლება ჩვენი და ამერიკელი ხალხის ურთიერთობისთვის ჩრდილის მიყენებას ცდილობს - მოქალაქეებს „ქართული ოცნებისთვის“ ასეთი თამაშით თამაშის უფლება არ მიუციათ

„ოცნება“ ჩვენი და ამერიკელი ხალხის ურთიერთობისთვის ჩრდილის მიყენებას ცდილობს, რაც კატეგორიულად მიუღებელია - ეს ადამიანები თავიანთი ბედით კი არ თამაშობენ, არამედ ჩვენი ქვეყნით და ჩვენი მომავლით და ფრთხილად უნდა იყვნენ ამ საკითხში, - ამის შესახებ პარტია "საქართველოსთვის" დეპუტატმა, მიხეილ დაუშვილმა განაცხადა, რითაც ამერიკა-საქართველოს შორის უვიზო მიმოსვლაზე დასმულ კითხვას უპასუხა.

მისივე თქმით, საქართველოს მოქალაქეებს "ქართული ოცნებისთვის" ასეთი თამაშით თამაშის უფლება არ მიუციათ.

რაც შეეხება ამერიკასთან უვიზო მიმოსვლასა და პირდაპირ ფრენებს - დაუშვილის განმარტებით, ამის მიღწევა სწორი მუშაობით შესაძლებელია.

"ამას სჭირდება ინტენსიური, სწორი მუშაობა. ეს ყველაფერი მიღწევადია სწორი მუშაობის და სწორი მმართველობის პირობებში. დღეს "ოცნება" ცდილობს, რომ ეს დააბრალოს ამერიკას. უნდა გვესმოდეს, რომ ძალიან სახიფათო თამაშს თამაშობენ ამ ჭრილში. ეს ადამიანები თავიანთი თავით და ბედით კი არ თამაშობენ, არამედ ჩვენი ქვეყნით და ჩვენი მომავლით და ფრთხილად უნდა იყვნენ ამ საკითხში, იმიტომ, რომ ასეთი თამაშით თამაშის უფლება ჩვენს მოქალაქეებს მათთვის არ მიუციათ. არ შეიძლება, მიუღებელია. ჩვენ გვითქვამს, რომ ჩინეთის სტრატეგიული პარტნიორობა სწორია, განსაკუთრებით, ეკონომიკურ ჭრილში, ეს დიდი შედეგია და არ შეიძლება რაღაცა წუნი დაინახო, მაგრამ მეორე მხარეს რასაც ესენი აკეთებენ, რომ ჩრდილის მიყენებას ცდილობენ ჩვენი და ამერიკელი ხალხის ურთიერთობაში, კატეგორიულად მიუღებელია," - განაცხადა დაუშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე