საქართველოს სახალხო დამცველი, ლევან იოსელიანი და სახალხო დამცველის პირველი მოადგილე თამარ გვარამაძე საქართველოს უზენაესი სასამართლოს თავმჯდომარეს ნინო ქადაგიძეს და უზენაესი სასამართლოს თავმჯდომარის მოადგილეს გიორგი მიქაუტაძეს შეხვდნენ. ინფორმაციას ამის შესახებ სახალხო დამცველის აპარატი ავრცელებს.

შეხვედრაზე ისაუბრეს სამართლიანი სასამართლოს უფლების რეალიზაციის მნიშვნელობაზე, სახალხო დამცველის პოზიციასა და ჩართულობაზე სამართლიანი სასამართლოს დამკვიდრების თვალსაზრისით, ასევე, განიხილეს სახალხო დამცველის მიერ წარდგენილი სასამართლოს მეგობრის მოსაზრებათა (ამიკუსის) გაზიარების საკითხები და უვადო თავისუფლებააღკვეთილ პატიმართა საქმეების სასამართლო განხილვის პროცედურები.

მხარეები სამომავლო თანამშრომლობის გაღრმავებაზე შეთანხმდნენ.