რაფაჰის სამხედრო ოპერაციის გეგმების განსახილველად ისრაელის პრემიერ-მინისტრი ბენიამინ ნეთანიაჰუ ვაშინგტონში ისრაელის ოფიციალური პირების გუნდს გაგზავნის. ამის შესახებ აშშ-ის პრეზიდენტის მრჩეველმა ეროვნული უსაფრთხოების მიმართულებით, ჯეიკ სალივანმა განაცხადა.

„ჩვენ იმ მომენტამდე მივედით, როდესაც თითოეული მხარე თავის თვალსაზრისს მეორეს ნათლად უცხადებს“, - აღნიშნა ჯეიკ სალივანმა.

ცნობისთვის, დღეს აშშ-ის პრეზიდენტმა ჯო ბაიდენმა და იარაელის პრემიერ-მინისტრმა ბენიამინ ნეთანიაჰუმ რაფაჰში არსებული ვითარების შესახებ სატელეფონო საუბარი გამართეს.