ჩეხეთის პრეზიდენტის, პეტრ პაველის განცხადებით, უახლოეს მომავალში ევროპული კომპანიები შეძლებენ აწარმოონ საჭირო რაოდენობის საბრძოლო მასალა - მათთვის და უკრაინისთვის.

„საჭირო რაოდენობის ჭურვების წარმოებას დრო სჭირდება. ეს მოითხოვს ჩვენი წარმოების შესაძლებლობების გაზრდას. მაგრამ უკრაინას ახლა ჭურვები სჭირდება. ჩვენ ვერ დაველოდებით ევროპულ კომპანიებს, ამიტომ ვცდილობთ მოვიძიოთ საბრძოლო მასალა სადაც კი შეგვიძლია და მივაწოდოთ უკრაინას რაც შეიძლება სწრაფად. მაგრამ ამავე დროს ჩვენ ვზრდით საკუთარ შესაძლებლობებს. უახლოეს მომავალში, ევროპული კომპანიები შეძლებენ აწარმოონ საჭირო რაოდენობის საბრძოლო მასალა ევროპის ქვეყნების მარაგის შესავსებად, ასევე იმისთვის, რომ მიაწოდონ უკრაინას, თუ ისევ დასჭირდება“, - აღნიშნა ჩეხეთის პრეზიდენტმა.

მისი თქმით, ჯერ კიდევ შეუძლებელია იმის წარმოდგენა, რომ უკრაინა და რუსეთი შეძლებენ შეთანხმდნენ ომის დასრულებაზე.