ამერიკის აკრედიტაციის კომისიის AACI-ის საქართველოს წარმომადგენლობა AACI ამერიკის ფრანშიზის მფლობელი გახდა

„საქართველოს სამედიცინო ასოციაციების გაერთიანების“ ინფორმაციით, ამერიკის აკრედიტაციის კომისიის - AACI საქართველოს წარმომადგენლობა AACI-ის ფრანშიზის მფლობელი გახდა, ხოლო გაერთიანების აღმასრულებელი მდივანი არჩილ მორჩილაძე - ამერიკის აკრედიტაციის კომისიის AACI ვიცე პრეზიდენტი.

მათი ცნობით, აღნიშნული ინფორმაცია ასევე განთავსდა AACI-ის ვებ გვერდზეც: https://aacihealthcare.com/executive-team/

გაერთიანების ინფორმაციით, AACI-ის უკვე ჰყავს 5 სერტიფიცირებული ქართველი აუდიტი, რომლებიც ქართული კლინიკების შეფასებას ახორციელებენ.

არჩილ მორჩილაძის განცხადებით, 2024 წლის მარტის თვიდან AACI-ის საქართველოს წარმომადგენლობის უფლებამოსილების სფერო ვრცელდება ამიერკავკასიისა და შუა აზიის ქვეყნებზეც. ხოლო, ქართველი ექსპერტები ჩაერთვებიან AACI ამერიკის მიერ საზღვარგარეთ განხორციელებული აკრედიტაციის პროცესში.

„2024 წლის 21 მარტს, თბილისში გაიმართება AACI-ის აღმასრულებელი ხელმძღვანელის კრესიმერ პალისკას შეხვედრა ქართველ აუდიტებთან, სადაც განიხილავენ საქართველოში აკრედიტაციის პროცესის მიმდინარეობას.

AACI ამერიკა საქართველოში 50-მდე კლინიკის აკრედიტაციას ახორციელებს. თითქმის ყველა მათგანში უკვე ჩატარდა წინასწარი შეფასება და კლინიკებს მიეცათ შესაბამისი რეკომენდაციები AACI-ის სტანდარტების დასანერგად. მიმდინარეობს ინტენსიური ტრენინგები და საორიენტაციო შეხვედრები, რათა კლინიკების აკრედიტაციის პროცესი 31 დეკემბრამდე დასრულდეს.

როგორც ცნობილია, მთავრობის დადგენილებით 2025 წლიდან საერთაშორისო აკრედიტაციის გარეშე კლინიკები სახელმწიფო პროგრამებში მონაწილეობას ვეღარ შეძლებენ“, - ნათქვამია გავრცელებულ ინფორმაციაში.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო