გიორგი ვაშაძე ბიძინა ივანიშვილს - ასობით ათას ჩვენს თანამემამულეს ფასების ზრდის და შემოსავლის შემცირების გამო უწევს ქვეყნიდან წასვლა - რა დაგიშავათ ხალხმა?!

ასობით ათას ჩვენს თანამემამულეს ფასების ზრდის და შემოსავლის შემცირების გამო უწევს ქვეყნიდან წასვლა. რა დაგიშავათ ხალხმა? - ასე მიმართა „სტრატეგია აღმაშენებლის“ თავმჯდომარემ, გიორგი ვაშაძემ ბრიუსელიდან „ქართული ოცნების” დამფუძნებელს, ბიძინა ივანიშვილს.

ვაშაძის განცხადებით, ის ბრიუსელში ესაუბრა ემიგრანტებს, რომლებსაც სამშობლოში დაბრუნება სურთ, თუმცა სამუშაო ადგილები არ არის, ფასები უკიდურესად იზრდება და საკუთარ ოჯახებს ვერ არჩენენ.

ბიძინა ივანიშვილს მინდა დავუსვა კითხვა ბრიუსელიდან, რა დაგიშავათ ქართველმა ხალხმა? ასობით ათას ჩვენს თანამემამულეს ფასების ზრდის და შემოსავლის შემცირების გამო უწევს ქვეყნიდან წასვლა. რა დაგიშავათ ხალხმა?! როდემდე უნდა გაგრძელდეს ეს ყველაფერი? როდემდე აპირებთ, რომ მხოლოდ თქვენ და თქვენი გარემოცვა მდიდრდებოდეს და ხალხი ღარიბდებოდეს?

ყველა ჩვენს პატრიოტ ქართველს, ყველა ჩვენს თანამემამულეს სურს ქვეყანაში დაბრუნება. ახლა ვესაუბრეთ ემიგრანტებს ბრიუსელში, მათ უნდათ სამშობლოში დაბრუნება მაგრამ სამუშაო ადგილები არ არის, ფასები უკიდურესად იზრდება, უბრალოდ ვერ არჩენენ საკუთარ ოჯახებს.

ეკონომიკა დღეს მუშაობს თქვენთვის და თქვენი გარემოცვისთვის და სამწუხაროდ არ მუშაობს ხალხისთვის. კიდევ ერთხელ გისვამთ კითხვას, როდემდე აპირებთ ქვეყნის ძარცვის გაგრძელებას? როდემდე აპირებთ ამ გაუსაძლისი პირობების შექმნას? და ეს ცინიკური დამოკიდებულება თქვენი პარტიის წარმომადგენლების, თითქოს არ იყოს ემიგრაციის პრობლემა, თითქოს არ იყოს ფასების ზრდის პრობლემა, თითქოს არ იყოს უმუშევრობის პრობლემა. რომ ამბობთ ორნიშნად გაიზარდა ეკონომიკაო, ვისთვის? - თქვენთვის. დიახ, თქვენთვის გაიზარდა, რადგან ეკონომიკა მარტო თქვენთვის მუშაობს და არა ხალხისთვის, ამიტომ გაეცით მთავარ კითხვას პასუხი, როგორ აპირებთ ამ საკითხების მოგვარებას? რატომ ხდება ეს უსამართლობა ქვეყანაში? რატომ უწევს ასიათასობით ადამიანს ქვეყნიდან წასვლა?

ღმერთმა ნუ ქნას, რომ 26 ოქტომბერს ყველაფერი არ შეიცვალოს, კიდევ უარესობისკენ წავა ყველაფერი. მჯერა, რომ 26 ოქტომბერი არის დიდი ცვლილებების დღე. ცვლილებების დრო მოვიდა, ჩვენ დავიწყებთ დიდ აღმშენებლობას, გავხდებით ევროკავშირის სრულუფლებიანი წევრი, მოვიზიდავთ ევროპულ და ამერიკულ ინვესტიციებს, შევქმნით მაღალანაზღაურებად სამუშაო ადგილებს და რაც მთავარია დავიწყებთ სრულიად ახალ ეტაპს განვითარების, გაერთიანების და ერთად დგომის. მჯერა, რომ ჩვენს თანამემამულეებთან ერთად ავაშენებთ საქართველოს, სადაც ყველა მოქალაქეს ღირსეული ცხოვრების შესაძლებლობა ექნება“, - განაცხადა ვაშაძემ, რომლის კომენტარსაც „სტრატეგია აღმაშენებელი“ ავრცელებს.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე