არასამთავრობო ორგანიზაციები - მოსამართლეთა კეთილსინდისიერების შემოწმების თემა ვერ დაიხურება, რადგან ქართველი ხალხის დაკვეთა სასამართლოს გაჯანსაღება და ევროკავშირის წევრობაა

სასამართლოს გაჯანსაღების თემა ვერ დაიხურება, რადგან ევროკომისიის ეს მოთხოვნა საქართველოსთან წევრობაზე მოლაპარაკების გახსნის მნიშვნელოვანი წინაპირობაა, ხოლო საქართველოს მოსახლეობისთვის ევროკავშირში გაწევრიანება უმნიშვნელოვანესი პრიორიტეტი- აღნიშნულის შესახებ 47 არასამთავრობო ორგანიზაცია ერთობლივ განცხადებას ავრცელებს, რითაც ე.წ. ვეტინგის სისტემის შემოღების აუცილებლობას ეხმიანება.

როგორც ერთობლივ განცხადებაშია ნათქვამი, დღეს სასამართლო სისტემაში წამყვან თანამდებობებზე მყოფი პირების კეთილსინდისიერების და მათ მიერ თანამდებობრივ სარგოსთან შეუთავსებელი ქონების ფლობის შესახებ საფუძვლიანი კითხვები არსებობს.

„ვეხმიანებით პრემიერ-მინისტრისა და პარლამენტის თავმჯდომარის განცხადებებს, რომელთა თანახმადაც, ისინი მოსამართლეთა კეთილსინდისიერების შემოწმების მექანიზმის შექმნის საკითხს დახურულად აცხადებენ. სასამართლოს გაჯანსაღების თემა ვერ დაიხურება, რადგან ევროკომისიის ეს მოთხოვნა საქართველოსთან წევრობაზე მოლაპარაკების გახსნის მნიშვნელოვანი წინაპირობაა, ხოლო საქართველოს მოსახლეობისთვის ევროკავშირში გაწევრიანება უმნიშვნელოვანესი პრიორიტეტი. ევროკომისია მნიშვნელოვნად მიიჩნევს, გადამოწმდეს იუსტიციის უმაღლესი საბჭოს წევრების, უზენაესი სასამართლოს მოსამართლეების, სასამართლოების თავმჯდომარეების და ამ პოზიციებზე დასანიშნი კანდიდატების კეთილსინდისიერების საკითხი.

დღეს სასამართლო სისტემაში წამყვან თანამდებობებზე მყოფი პირების კეთილსინდისიერების და მათ მიერ თანამდებობრივ სარგოსთან შეუთავსებელი ქონების ფლობის შესახებ საფუძვლიანი კითხვები არსებობს. ასევე, საგულისხმოა, რომ რამდენიმე გავლენიანი მოსამართლე სანქცირებულია საქართველოს სტრატეგიული პარტნიორის, ამერიკის შეერთებული შტატების მიერ.

ვფიქრობთ, პირველ რიგში, ხელისუფლების და თავად მოსამართლეების ინტერესი უნდა იყოს საზოგადოებაში არსებული ყველა კითხვის მოხსნა, რომლებიც მართლმსაჯულების პრობლემებსა და მოსამართლეთა კეთილსინდისიერებას ეხება. ჩვენთვის გაურკვეველია, თუ არ არსებობს მოსამართლეთა კეთილსინდისიერების პრობლემა, რატომ ეწინააღმდეგება პოლიტიკური და სასამართლო ხელისუფლება ამ პროცესს. წამყვან პოზიციებზე დანიშნული მოსამართლეების და კანდიდატების კეთილსინდისიერების შემოწმების მექანიზმის შექმნის მიზანი მიუკერძოებელი მართლმსაჯულების უზრუნველყოფა და ევროკავშირში გაწევრებაა. შესაბამისად, ხელისუფლება ამ საკითხის დახურვით, ქართველი ხალხის ნების საწინააღმდეგოდ, ევროინტეგრაციის პროცესს რისკის ქვეშ აყენებს. სასამართლოს მაღალი თანამდებობის პირების კეთილსინდისიერების შემოწმება საზოგადოებისთვის ვერ დაკარგავს აქტუალობას იქამდე, ვიდრე არ მიიღწევა დამოუკიდებელი მართლმსაჯულების შექმნისა და საქართველოს ევროკავშირში გაწევრების მიზანი. ქართული საზოგადოებრივი ორგანიზაციები კიდევ ერთხელ მოვუწოდებთ ხელისუფლებას, აღიაროს სასამართლო სისტემაში არსებული პრობლემები და დაიწყოს ევროკომისიის მიერ დამტკიცებული 9 ნაბიჯით გათვალისწინებული პირობების რეალური შესრულება“,- ნათქვამია ერთობლივ განცხადებაში, რომლის ხელმომწერი ორგანიზაციები არიან: „სასამართლოს გუშაგი“ (Court Watch); „საერთაშორისო გამჭვირვალობა - საქართველო“; „დემოკრატიის მცველები“; „სამოქალაქო საზოგადოების ფონდი“; „საქართველოს სამოქალაქო საზოგადოების განვითარების ასოციაცია“ (ACSDG); „სამოქალაქო იდეა“; „ეკო ცენტრი“; „სამოქალაქო ჩართულობისა და აქტივიზმის ცენტრი“ (CEAC); „პრევენცია პროგრესისთვის“ (PFP); ხანდაზმულ ქალთა ასოციაცია „ღირსეული სიბერე“; შშმ ქალთა ალიანსი; „საქართველოს დემოკრატიული ინიციატივა“ (GDI); მედიაომბუდსმენი; „ქალი და განვითარება“; „პარტნიორობა ადამიანის უფლებებისთვის“; „ილიას სამართლის სახლი“ (ილიასი); „საორსა“; „ფენიქსი 2009“; „ადამიანის უფლებათა ცენტრი“; „ევროპულ-ქართული ინსტიტუტი“ (EGI); „საქართველოს რეფორმების ასოციაცია“ (GRASS); „კანონის უზენაესობის ცენტრი“; „შავი ზღვის ეკო-აკადემია“ (BSEA); მშობელთა კავშირი „ჩვენი შვილები”; „რეფორმებისა და კვლევის ჯგუფი“ (RRG); არაფორმალური განათლების ახალგაზრდული ცენტრი „მზიანი სახლი“; „საზოგადოებრივი ხელოვნების პლატფორმა“; „მრავალეროვანი საქართველო“; „საფარი“; „დემოკრატიის ინდექსი - საქართველო“; შშმ პირთა ინტეგრაციისა და განვითარების ასოციაცია „ჰანგი“; „ბავშვთა მენტალური ჯანმრთელობის საქართველოს ასოციაცია“; პედაგოგთა კავშირი „განათლება და სამყარო“; „კავკასიის გარემოსდაცვითი არასამთავრობო ორგანიზაციების ქსელი“ (CENN); „დამოუკიდებელი იურისტების ჯგუფი”; „დემოკრატიის კვლევის ინსტიტუტი“; „საუნჯე“; „სამოქალაქო აქტივობისა და თანასწორობის ცენტრი“; „კვლევითი ინსტიტუტი Gnomon Wise“; „ლანჩხუთის ახალგაზრდული მოძრაობა“; „სოფელ კახათის სათემო განათლების და გაძლიერების ცენტრი“; „ღია სივრცე კავკასია“ (COS); „ნეოგენი“; „სამართლისა და საჯარო პოლიტიკის ცენტრი“; „ზემო სვანეთის ადგილობრივი განვითარების ჯგუფი“ (LAG Mestia); „უფლებები საქართველო“; „მწვანე ალტერნატივა“.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე