ტარიელ ნაკაიძე პარლამენტს მიმართავს, რელიგიური უმცირესობების მქონე ადამიანებს საკუთარ რელიგიურ დღესასწაულებზე დასვენების შესაძლებლობა მიეცეთ
ოპოზიციონერი დეპუტატი, ტარიელ ნაკაიძე პარლამენტს საკანონმდებლო ინიციატივით მიმართავს, რელიგიური უმცირესობების მქონე ადამიანებს, საკუთარ რელიგიურ დღესასწაულებზე დასვენების შესაძლებლობა მიეცეთ.
ნაკაიძის განმარტებით, საუბარია დამატებით, ორ უქმე დღეზე.
როგორც დეპუტატი განმარტავს, ეს ინიციატივა არ არის პოლიტიკურად ანგაჟირებული საკითხი და ეს უფრო ქვეყნის მრავალფეროვნების შენარჩუნებას ეხება.
მან მმართველი გუნდისა და ოპოზიციის მხარდაჭერის იმედი გამოთქვა.
„ეს არის ორი დღე, რომელიც მორგებულია ყველა რელიგიური მიმდინარეობის მიმართ, რაც ითვალისწინებს, რომ უქმე დღეებთან ერთად დამატებით იქნება ორი დღე. რელიგიური უმცირესობების მქონე დასაქმებულს უფლება ექნება წინასწარ განუცხადოს დამსაქმებელს, რომ საკუთარ რელიგიურ დღესასწაულზე ისვენებს. მას არ ექნება ვალდებულება, დაამტკიცოს რომელი რელიგიის წარმომადგენელია”, - განაცხადა ნაკაიძემ.
v-if="article.gallery" v-html="article.gallery"
