გიორგი ვაშაძე - „ქართული ოცნების“ დიდი ტყუილის გამო შოკშია მთლიანად „ევრონესტის“ დელეგაცია - სამარცხვინოა, როცა ასე იქცევა „ოცნების“ დელეგაცია

ეს არია დიდი ტყუილი, რომლის გამოც შოკშია მთლიანად „ევრონესტის“ დელეგაცია და სამარცხვინოა, როცა ასე იქცევა „ქართული ოცნების“ დელეგაცია დღეს, აი, აქ, - ასე გამოეხმაურა პარტია „სტრატეგია აღმაშენებლის“ ლიდერი, გიორგი ვაშაძე „ევრონესტის“ საპარლამენტო ასამბლეაში საქართველოს დელეგაციის ხელმძღვანელის, მაკა ბოჭორიშვილის მიერ გავრცელებულ ინფორმაციას, რომ საქართველოს, მოლდოვასა და უკრაინის ევროკავშირში გაწევრების შესახებ საგანგებო რეზოლუციის პროექტს ოპოზიციონერმა დეპუტატებმა მხარი არ დაუჭირეს.

ვაშაძის მტკიცებით, ისინი ყველაფერს აკეთებენ იმისთვის, რომ საქართველო ევროკავშირის სრულუფლებიანი წევრი გახდეს.

„მოუსმინეთ, ჩვენ არა, აგერ „ევრონესტის“ მთელ დელეგაციას, ევროპარლამენტარებს, უკრაინის დელეგაციას, ნებისმიერ დელეგაციას. დღეს ყველანი აბსოლუტურად „ქართულ ოცნებას“ მატყუარას უწოდებს იმიტომ, რომ მათ კვლავ მოიტყუეს ამ რეზოლუციასთან დაკავშირებით. სიმართლე კი არის იმაში, რომ ჩვენ ყველაფერს ვაკეთებთ იმისთვის, რომ საქართველო ევროკავშირის სრულუფლებიანი წევრი გახდეს. ისინი კი ყველაფერს აკეთებენ იმისთვის, რომ ამ ყველაფერს ხელი შეუშალონ. მათ უნდათ, რომ ეკონომიკა მხოლოდ მათთვის და ივანიშვილისთვის იყოს. ჩვენ გვინდა, რომ ეკონომიკა ხალხისთვის იყოს, რომ ფასები დაბალი იყოს, სამუშაო ადგილები იყოს და ევროპული ინვესტიციები მოვიზიდოთ. შეხედეთ ჩვენს გამოსვლებს უბრალოდ, თავიდან ბოლომდე არის სწორედ იმ გზავნილით, რაც ქართველ ხალხს აქვს, საქართველო ევროკავშირის სრულუფლებიან წევრობას იმსახურებს, რომ ქართველი ხალხი 26 ოქტომბერს დიდ გამარჯვებას მოიპოვებს, ისევე, როგორც ეს გასულ წელს გააკეთა და ვეღარ შეაჩერებს ვერც ივანიშვილი და ვეღარც მისი პარტიის წვრილფეხობა, აი, ამ მნიშვნელოვან პროცესს, რაც ჩვენ გვაქვს. კიდევ ერთხელ ვამბობ, დიდი ტყუილი, რომელზეც შოკშია უბრალოდ მთლიანად „ევრონესტის“ დელეგაცია და სამარცხვინოა, როცა ასე იქცევა „ქართული ოცნების“ დელეგაცია დღეს, აი, აქ“, - განაცხადა ვაშაძემ.

ცნობისთვის, პარლამენტის ევროინტეგრაციის კომიტეტის თავმჯდომარის, მაკა ბოჭორიშვილის განცხადებით, ბრიუსელში „ევრონესტის“ ასამბლეაზე უკრაინის დელეგაციისა და ქართული ოპოზიციის უარის გამო, საქართველოს, უკრაინისა და მოლდოვის ევროპულ პერსპექტივასთან დაკავშირებით შემუშავებული რეზოლუცია ვერ დაინიცირდა.

როგორც ბოჭორიშვილმა ჟურნალისტებს ბრიუსელში განუცხადა, რეზოლუციის ტექსტს მხარს მხოლოდ მოლდოვის დელეგაცია უჭერდა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე