ხატია დეკანოიძე - პაპუაშვილი გაუმჭვირვალე უცხოურ გავლენებზე საუბრობს, რომელიც თურმე ოპოზიციას აქვს, მაშინ, როცა მისი პარტიის დამაარსებელი რუსული წარმომავლობის ფულით ეხმარება პარტიას - ორმაგი სტანდარტი აჩენს ბუნდოვანებას საერთაშორისო პარტნიორებთან

„ქართული ოცნების“ ორმაგი სტანდარტი ძალიან ბუნდოვანია, რაც აჩენს ბუნდოვანებას საერთაშორისო პარტნიორებთანაც, - ამის შესახებ „ევროოპტიმისტების“ დეპუტატმა ხატია დეკანოიძემ „პალიტრანიუსის“ გადაცემა „360 გრადუსში“ განაცხადა.

როგორ მან აღნიშნა, მთავრობის იმ ანტიევროპული და ანტიამერიკული განცხადებების პარალელურად, რომლის მოსმენაც საზოგადოებას უწევს, აღმოჩნდა, რომ ქართულ პოლიციასა და ჯარს ამერიკის შეერთებული შტატები ეხმარება.

„დღევანდელ სხდომაზეც ანგარიში როცა წავიკითხეთ, იქაც ეწერა, რომ ქართულ თავდაცვისა და საპოლიციო ძალებს ამერიკის შეერთებული შტატები ეხმარება.

გარდა ამისა, ერთ-ერთი ყველაზე დიდი სასროლეთის ინფრასტრუქტურული პროექტიც მათი დაფინანსებულია. ეს გამჭვირვალეა ისე, როგორც ნებისმიერი სხვა ტექნიკური დახმარება. პარლამენტის თავმჯდომარე პაპუაშვილი გაუმჭვირვალე უცხოურ გავლენებზე საუბრობს, რომელიც თურმე ოპოზიციას აქვს. ეს მაშინ, როცა მისი პარტიის დამაარსებელი რუსული წარმომავლობის ფულით ეხმარება პარტიას. ჩემთვის რუსული წარმომავლობის ფული ყოველთვის პრობლემაა. ეს ზრდის ანტიდასავლურ განწყობას, რომლის შემოტანაც „ქართულ ოცნებას“ სურს იმის პარალელურად, რომ ამერიკისგან ამხელა დახმარებას იღებენ.

ჩვენი ქვეყნის ეროვნული ინტერესებისთვის მნიშვნელოვანია, რომ ჩვენმა ქვეყანამ ევროინტეგრაციის გზიდან არ გადაუხვიოს და ამისთვის, როგორც ხელისუფლებამ, ისე ოპოზიციამ ყველაფერი უნდა გააკეთოს. მე არ მომწონს და არც საქართველოს მოქალაქეებს არ მოსწონთ ის ანტიევროპული და ანტიამერიკული განცხადებები, რომელთა მოსმენაც გვიწევს. ამის პარალელურად აღმოჩნდა, რომ ქართულ პოლიციასა და ჯარს ამერიკის შეერთებული შტატები ეხმარება, რადგან ისინი არიან ერთგვარი გზამკვლევი იმისა, რაც ჩვენს კონსტიტუციაში წერია. ორმაგი სტანდარტი ძალიან ბუნდოვანია და ეს აჩენს ბუნდოვანებას ჩვენს საერთაშორისო პარტნიორებთანაც“, - განაცხადა ხატია დეკანოიძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე