რუსების სარაკეტო და დრონებით თავდასხმას 3 ადამიანი ემსხვერპლა, დაშავებულია 16 და დაკარგულია 3 პირი

რუსული ძალების მიერ უკრაინის ტერიტორიაზე განხორციელებული მასიური სარაკეტო და დრონებით თავდასხმის შედეგად, ამ დროისთვის არსებული მონაცემებით, 3 ადამიანი დაიღუპა და 16 დაშავდა.

ამის შესახებ ინფორმაციას უკრაინული მედია ავრცელებს.

მათივე ინფორმაციით, 3 ადამიანი უგზო-უკვლოდ დაკარგულად ითვლება. რუსების თავდასხმას 2 ადამიანი ხმელნიცკში ემსხვერპლა, 1 -ზაპოროჟიეში. დაკარგული მოქალაქეებიც ზაპოროჟიეს ოლქის მკვიდრები არიან.

რაკეტებითა და დრონებით იერიშის შედეგად ზაპოროჟიეში, ხმელნიცკში, ოდესაში, დნეპროპეტროვსკში, პოლტავაში, მიკოლაივში, ვინიცში, კრივი-რიჰში, ხარკოვში, დნიპროში, ლვოვსა და ივანო-ფრანკოვსკიში განადგურდა და დაზიანდა სახლები, ავტომობილები, კრიტიკული ინფრასტრუქტურის ობიექტები. ოკუპანტებმა ზაპოროჟიეში ჰიდრავლიკურ ნაგებობებსა და დნიპროს ჰიდროელექტროსადგურის კაშხალს დაარტყეს, მაშველები ელექტროსადგურზე ხანძრის ლიკვიდაციას ახორციელებენ, მაგრამ კაშხლის გარღვევის საფრთხე არ არსებობს.

უკრაინის შეიარაღებული ძალების საჰაერო ძალების ინფორმაციით, რუსებმა უკრაინის ტერიტორიას 151 რაკეტითა და დრონით შეუტიეს. უკრაინელმა დამცველებმა 55 დრონისა და 37 რაკეტის განადგურება მოახერხეს.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა