მედიკამენტებისა და მათი დამზადებისთვის საჭირო ინგრედიენტების იმპორტირებისას შესაბამისი მარეგულირებლის მიერ გაცემული დოკუმენტაციის წარმოდგენის ვალდებულება გადავადდება
მედიკამენტებისა და მათი დამზადებისთვის საჭირო ინგრედიენტების იმპორტირებისას, შესაბამისი მარეგულირებლის მიერ გაცემული დოკუმენტაციის წარმოდგენის ვალდებულება გადავადდება.
ამის შესახებ ცნობილი ჯანდაცვის მინისტრთან ფარმაცევტული სექტორისა და ბიზნეს ასოციაციის წარმომადგენლების შეხვედრაზე გახდა ცნობილი.
ჯანადაცვის სამინისტროს ინფორმაციით, მხარეებმა, ის ცვლილებები განიხილეს, რომლებიც ქვეყანაში, მედიკამენტებისა და მათი დამზადებისთვის საჭირო ინგრედიენტების იმპორტირებისას, შესაბამისი მარეგულირებლის მიერ გაცემული დოკუმენტაციის წარმოდგენის ვალდებულებას აწესებს.
მათივე ცნობით, აღნიშნული ცვლილების ამოქმედება 1-ელი აპრილიდან იგეგმებოდა, თუმცა ჯანდაცვის სამინისტროში განმარტავენ, რომ შეხვედრაზე, სექტორის წარმომადგენლებმა, ვადის გახანგრძლივების ინიციატივა დააყენეს. კერძოდ, მხარეები, 6-თვიან გარდამავალ პერიოდზე შეთანხმდნენ.
უწყების ინფორმაციით, შეხვედრაზე აღინიშნა, რომ ამ მიმართულებით მუშაობა სექტორთან მჭიდრო თანამშრომლობით გაგრძელდება.
ჯანდაცვის მინისტრის თქმით, უწყების პრიორიტეტი მედიკამენტების ხარისხის კონტროლი და მომხმარებლების ინტერესების დაცვაა. „პრიორიტეტულია, საქართველოში, მედიკამენტების სათანადო ხარისხის უზრუნველყოფა და მომხმარებლის ინტერესების მაქსიმალურად დაცვა, თუმცა მწარმოებელთა ინტერესების დაბალანსებულად დაცვის პირობით. მათი დაცვის პირობით, ისეთი შეზღუდვებისგან, რომელიც ჩაითვლება არასაჭიროდ, ზემოაღნიშნულ პრიორიტეტთან მიმართებაში”,- განაცხადა ჯანდაცვის მინისტრმა.
უწყების ცნობით, შეხვედრაზე, შეთანხმდნენ, რომ სამინისტრო, უახლოეს პერიოდში, ამ კონკრეტული მიმართულებით, შესაბამის ცვლილებებს დააინიციირებს.
შეხვედრას ჯანდაცვის მინისტრი, მიხეილ სარჯველაძე, მინისტრის პირველ მოადგილე თამარ გაბუნიას, ასევე, სამედიცინო და ფარმაცევტული საქმიანობის რეგულირების სააგენტოს ხელმძღვანელი პირები, ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე და ბიზნესომბუდსმენი ოთარ დანელია ესწრებოდნენ.
v-if="article.gallery" v-html="article.gallery"
