პრემიერი - ყველაზე გაუმჭვირვალე, თუ რაიმე სექტორი არსებობს, ე.წ. არასამთავრობო სექტორია - საზოგადოებას ვპირდებით, რომ ამ ბუნდოვანების მიუხედავად, ყველაფერს გავაკეთებთ, რათა ასეთმა ორგანიზაციებმა ქვეყნის სტაბილურობას პრობლემა არ შეუქმნას

ყველაზე გაუმჭვირვალე, თუ რაიმე სექტორი არსებობს საქართველოში, ეს ე.წ. არასამთავრობო სექტორია - საზოგადოებას ვპირდებით, რომ ამ ბუნდოვანების, გაუმჭვირვალობის მიუხედავად, ყველაფერს გავაკეთებთ, რათა ასეთმა ორგანიზაციებმა ჩვენი ქვეყნის სტაბილურობას პრობლემა არ შეუქმნას,- ამის შესახებ საქართველოს პრემიერ-მინისტრმა ირაკლი კობახიძემ არასამთავრობო ორგანიზაციების დაფინანსების თაობაზე ჟურნალისტებს განუცხადა.

მისი თქმით, ძალიან სერიოზული პრობლემაა ის, რომ ქართულმა საზოგადოებამ არაფერი იცის ვინ და რისთვის აფინანსებს არასამთავრობო ორგანიზაციებს.

„ყველაზე გაუმჭვირვალე, თუ რაიმე სექტორი არსებობს საქართველოში, ეს ე.წ. არასამთავრობო სექტორია. აბსოლუტურად გაუმჭვირვალეა მათი დაფინანსება, მათი ხარჯები. ქართულმა საზოგადოებამ არაფერი იცის იმასთან დაკავშირებით, ვინ აფინანსებს და რისთვის აფინანსებს ამ ორგანიზაციებს. ძალიან შეზღუდულია ეს ინფორმაცია, რაც ბუნებრივია, სერიოზული პრობლემაა. ამ პრობლემის მიუხედავად ვახერხებთ და ვაწვდით საზოგადოებას ინფორმაციას იმასთან დაკავშირებით, ვინ წარმოადგენს ქართველი ხალხის ინტერესებს და ვინ წარმოადგენს სხვა ინტერესებს. გარდა ამისა, იყო არაერთი ძალიან შემაშფოთებელი ფაქტი, როდესაც ექსტრემისტული ორგანიზაციებიც კი ფინანსდებოდა უცხოური წყაროებიდან. ეს იყო მაგალითად ფრანკლინის კლუბის დაფინანსება და ა.შ. ეს ყველაფერი შემაშფოთებელია, თუმცა საზოგადოებას ვპირდებით, რომ ამ ბუნდოვანების, გაუმჭვირვალობის მიუხედავად, ყველაფერს გავაკეთებთ, რათა ასეთმა ორგანიზაციებმა პრობლემა არ შეუქმნას ჩვენი ქვეყნის სტაბილურობას“,- განაცხადა ირაკლი კობახიძემ.

მისივე თქმით, „როდესაც დონორი გარკვეულ ორგანიზაციას აფინანსებს, მთლიანად უნდა აიღოს პასუხისმგებლობა შესაბამისი ორგანიზაციის ნებისმიერ საქმიანობაზე, განცხადებაზე და ეს არის სწორი სტანდარტი“.

„როდესაც კონკრეტული დონორები მათ მიერ დაფინანსებული ორგანიზაციების განცხადებებს არ ემიჯნებიან, ეს არის ძალიან სამწუხარო, თუმცა ამ პირობებშიც საზოგადოება არის სათანადოდ ინფორმირებული და მომავალშიც ყველაფერი გაკეთდება იმისთვის, რომ ჩვენი ინტერესები სათანადოდ იყოს დაცული. ბუნდოვანების მიუხედავად ჩვენს სახელმწიფო ინტერესებს პრობლემები ვერ შეექმნება“,- განაცხადა ირაკლი კობახიძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე
კავკასიის უნივერსიტეტში NATO 75 საზეიმო სხდომა გაიმართა და ირაკლი წერეთლის სახელობის ნატოს კვლევითი ცენტრი გაიხსნა
TNET-ისა და Visa-ს ერთობლივი გრანდიოზული გათამაშება იწყება
გონიო, ბათუმი: საინვესტიციო შესაძლებლობები და ურბანული განვითარება
წინანდლის მამულში საგაზაფხულო სეზონი კირილ ზდანევიჩის გამოფენით გაიხსნება