ალ-შიფას საავადმყოფოში მიმდინარე სამხედრო ოპერაციის ფარგლებში 170-ზე მეტი ტერორისტია ლიკვიდირებული, - ამის შესახებ განცხადებას ისრაელის თავდაცვის ძალები ავრცელებს.

„ჯერჯერობით, შეიარაღებულმა ძალებმა საავადმყოფოს ტერიტორიაზე 170-ზე მეტი ტერორისტის ლიკვიდაცია განახორციელეს, 800-ზე მეტი ეჭვმიტანილი დაკითხეს და უამრავი იარაღი და ტერორისტული ინფრასტრუქტურა აღმოაჩინეს“, - ნათქვამია ისრაელის თავდაცვის ძალების განცხადებაში.

ასევე, ცენტრალურ ღაზაში მიმდინარე სამხედრო მოქმედებების შედეგად, „ჰამასის“ 15 მებრძოლი დაიღუპა.

ცნობისთვის, ისრაელის თავდაცვის ძალებმა ალ-შიფას საავადმყოფოში სამხედრო ოპერაცია 18 მარტს დაიწყო.