რუსულმა ძალებმა წუხელ უკრაინის ოდესის ოლქს უპილოტო საფრენი აპარატებით შეუტიეს, რის შედეგადაც ენერგეტიკული ინფრასტრუქტურა დაზიანდა, - ინფორმაციას უკრაინული მედია ოდესის რეგიონული სამხედრო ადმინისტრაციის ხელმძღვანელი ოლეგ კიპერი „ტელეგრამ“ არხზე ავრცელებს.

მსხვერპლის და სხვა დაზიანებისა და ნგრევის შესახებ ინფორმაცია, ჯერჯერობით, არ გავრცელებულა.

„მტერმა კიდევ ერთხელ შეუტია ოდესის ოლქს დრონებით. დაზიანებულია ენერგეტიკული ინფრასტრუქტურა, ოდესის ნაწილს ელექტროენერგია არ მიეწოდება“, - აღნიშნა კიპერმა. მისი ინფორმაციით, დაზიანების ამოსაფხვრელად შესაბამისი სამსახურები მუშაობენ.