უკრაინის საჰაერო თავდაცვის ძალებმა რუსეთის მიერ კიევისკენ გაშვებული ორივე ბალისტიკური რაკეტა გაანადგურეს, - ინფორმაციას უკრაინული მედია ქვეყნის საჰაერო ძალების მეთაურ გენერალ-ლეიტენანტ ნიკოლაი ოლეშჩუკზე დაყრდნობით ავრცელებს.

მისი განცხადებით, რუსულმა ძალებმა რაკეტები ოკუპირებული ყირიმის ტერიტორიიდან ისროლეს.

„მტერმა დროებით ოკუპირებული ყირიმიდან ორი ბალისტიკური რაკეტით შეუტია კიევს. სამიზნეები განადგურებულია“, - აღნიშნა ოლეშჩუკმა.

შეგახსენებთ, მანამდე ცნობილი გახდა, რომ კიევში საჰაერო განგაში გამოცხადდა და აფეთქების ხმები გაისმა. დედაქალაქის მთავრობამ განაცხადა, რომ რუსებმა სარაკეტო იერიში განახორციელეს. რაკეტების ნამსხვრევები კიევის ოთხ რაიონში ჩამოცვივდა. დაზიანდა 2 მაღალსართულიანი შენობა. ამ დროისთვის არსებული ინფორმაციით, დაშავებულია 5 ადამიანი.