ვუერთდებით დღევანდელ კოლონას, წალენჯიხიდან დაძრულ ჩვენს თანამებრძოლებს - ასობით ათასობით ხელმოწერა მიგვაქვს, რომ კიდევ ერთხელ მოვთხოვოთ სალომე ზურაბიშვილს მიხეილ სააკაშვილი საპყრობილიდან გაათავისუფლოს, - ამის შესახებ „ერთიანი ნაციონალური მოძრაობის“ გორის საკრებულოს წევრმა, ბექა ქორჩილავამ განაცხადა.

მისივე შეფასებით, საქართველოს მესამე პრეზიდენტი, მიხეილ სააკაშვილი არის „ქართული ოცნების“ დამფუძნებლის, ბიძინა ივანიშვილის და რუსეთის პრეზიდენტის, ვლადიმერ პუტინის „პირადი ტყვე“.

„მიხეილ სააკაშვილის გუნდის წარმომადგენლებმა შიდა ქართლიდან ათასობით ხელმოწერა შევაგროვეთ ერთადერთი მოთხოვნით - მიხეილ სააკაშვილი გათავისუფლდეს, რომელიც არის პუტინის და ბიძინა ივანიშვილის პირადი ტყვე. დღევანდელ კოლონას ვუერთდებით, წალენჯიხიდან დაძრულ ჩვენს თანამებრძოლებს, ასობით ათასობით ხელმოწერა მიგვაქვს, რომ კიდევ ერთხელ მოვთხოვოთ სალომე ზურაბიშვილს მიხეილ სააკაშვილი საპყრობილიდან გაათავისუფლოს“, - განაცხადა ბექა ქორჩილავამ, რომლის განცხადებასაც პარტია „ნაციონალური მომსახურების“ პრესსამსახური ავრცელებს.