საფრანგეთის პრეზიდენტის, ემანუელ მაკრონის განცხადებით, საფრანგეთს აქვს ინფორმაცია, რომ მოსკოვის საკონცერტო დარბაზში თავდასხმა ე.წ. „ისლამურმა სახელმწიფომ“ განახორციელა.

„საფრანგეთს აქვს ინფორმაცია, რომ ის „ისლამური სახელმწიფოს“ განშტოებამ დაგეგმა და განახორციელა“, - აღნიშნა მაკრონმა და დასძინა, რომ იმ ჯგუფმა, რომელიც რუსეთში საკონცერტო დარბაზს თავს დაესხა, თავდასხმები საფრანგეთის ტერიტორიაზეც სცადა.

„ამ კონკრეტულმა ჯგუფმა ჩვენს მიწაზე თავდასხმის რამდენიმე მცდელობა განახორციელა“, - აღნიშნა მაკრონმა.

ამასთან, მისი თქმით, რუსეთმა თავდასხმა თავის სასარგებლოდ არ უნდა გამოიყენოს და რომ რუსეთის მხრიდან ცინიკური და კონტრპროდუქტიული იქნება ამ კონტექსტის უკრაინის წინააღმდეგ გადატანა.