ისრაელი იარაღს საერთაშორისო სამართლის შესაბამისად იყენებს, - ამის შესახებ აშშ-ის სახელმწიფო დეპარტამენტის პრესსპიკერმა, მეთიუ მილერმა განაცხადა.

„ჩვენ საერთაშორისო ჰუმანიტარულ სამართალთან ისრაელის შესაბამისობას მუდმივად ვაფასებთ. რაიმე სახის დარღვევა არც ომის დროს და არც ჰუმანიტარული დახმარების გაწევის დროს არ აღმოგვიჩენია“, - განაცხადა მეთიუ მილერმა.

მეთიუ მილერმა აღნიშნა, რომ გასულ კვირას, აშშ-ის სახელმწიფო დეპარტამენტმა ისრაელის ოფიციალური პირისგან ამ საკითხთან დაკავშირებით გარანტიები მიიღო.

„ეს გარანტიები პერსპექტიული ხასიათისაა, მაგრამ, რა თქმა უნდა, მათზე ჩვენი შეხედულება ღაზაში მიმდინარე ომის დროს ისრაელის ამჟამინდელ ქცევას ეფუძნება“, - აღნიშნა აშშ-ის სახელმწიფო დეპარტამენტის პრესსპიკერმა.