აშშ-ის სახელმწიფო მდივანმა, ენტონი ბლინკენმა ისრაელის თავდაცვის მინისტრ იოავ გალანტთან შეხვედრაზე განაცხადა, რომ არსებობს რაფაჰში სახმელეთო ოპერაციის ალტერნატივები, რომელიც უკეთ უზრუნველყოფს ისრაელის უსაფრთხოებას და დაიცავს პალესტინელ მშვიდობიან მოსახლეობას, - ინფორმაციას The Times of Israel-ი აშშ-ის სახელმწიფო დეპარტამენტზე დაყრდნობით ავრცელებს.

იოავ გალანტი ვაშინგტონში წინასწარ დაგეგმილი ვიზიტით, პენტაგონის ხელმძღვანელის ლოიდ ოსტინის მიწვევით იმყოფება.

აღსანიშნავია, რომ ისრაელის პრემიერ-მინისტრმა, ბენიამინ ნეთანიაჰუმ მისი მრჩევლების, რონ დერმერისა და ცაჰი ჰენეგბის ვაშინგტონში გაგზავნაზე უარი განაცხადა მას შემდეგ, რაც აშშ-მა ღაზაში ცეცხლის შეწყვეტის შესახებ გაერო-ს უშიშროების საბჭოს რეზოლუციას ვეტო არ დაადო.