პაკისტანის საზღვაო ბაზაზე შეიარაღებული პირების თავდასხმის შედეგად ერთი სამხედრო დაიღუპა, - ამის შესახებ ინფორმაციას Reuters-ი პაკისტანის ოფიციალურ პირებზე დაყრდნობით ავრცელებს.

Reuters-ის ცნობით, შეიარაღებული პირები სამხრეთ-დასავლეთ პაკისტანში ტურბატის ბაზას დაეხნენ თავს.

პაკისტანის უსაფრთხოების ძალებმა საპასუხო ცეცხლის შედეგად, ხუთი თავდამსხმელის ლიკვიდაცია განახორციელეს.

„ჩვენ დიდ დანაკარგებს გადავურჩით“, - ნათქვამია პაკისტანის პრემიერ-მინისტრის, შეჰბაზ შარიფის ოფისის განცხადებაში.

თავდასხმაზე პასუხისმგებლობა „ბელუჯისტანის განმათავისუფლებელმა არმიამ“ აიღო.