საბურთალოს რაიონში, მეფე მირიანის ქუჩა N27ა-ს მიმდებარედ, „ჯორჯიან უოთერ ენდ ფაუერის“ წყალსადენის ქსელი დღეს ავარიულად დაზიანდა. კომპანიის ტექნიკური ჯგუფი ადგილზე მობილიზებულია და ქსელის დაზიანებული მონაკვეთის აღსადგენად მოსამზადებელი სამუშაოები მიმდინარეობს. აღნიშნულთან დაკავშირებით ინფორმაციას „ჯორჯიან უოთერ ენდ ფაუერი“ ავრცელებს.

მათი ცნობით, აუცილებელია მაგისტრალური ქსელის წყლისგან დაცლა, რის გამოც, დღეს, 26 მარტს დღის 12:45 საათიდან, 27 მარტის ღამის 01:00 საათამდე წყალმომარაგება შეზღუდული ექნება: დიდ დიღმის I, II, III, IV მიკრო რაიონებს და მიმდებარე კერძო დასახლებებს, ბენდუქიძის დასახლებას, ხელაშვილის, ფარნავზის, გიორგი ბრწყინვალეს, დემეტრე თავდადებულის, სტრაბონის, პეტრიწის, ფერაძის, გოგიაშვილის, მაქს ტილკეს, ცხაკაიას, გეხტმანის, ჭანდარის, ჰენრიკ პრინევსკის, ასმათის, ჰაინრიხ კლაპროთის, არჩილ მეფის, რამაზის, მირიან მეფის, ფარნავაზ მეფის, ჯავახიშვილის, ბერტა ფონ ზუტნერის, სონღულაშვილის, უგრელიძის, მარკო პოლოს, ჟოზეფ ტურნეფორის, კრისტოფერ კასტელის, ფედერიკ მონპერეს, არქანჯელო ლამბერტის, კრისტიან სტივენის, იან ჰომერის, იაკობ რაინეგსის, ნიკო ბურის, ბარონ დე ბაის, ჰუგო ჰუბერტის, დანიბეგაშვილის, ხატაეთის, შერმადინის, ნესტან-დარეჯანის, ფატმანის, ტარიელის, თინათინის, ავთანდილის, დავარის, ვეფხისტყაოსნის, გულანშაროს, მულღაზანზარის, ნურადინ ფრიდონის, ცამეტი ასურელი მამის, როსტევანის, ისიდორე დოლიძის ქუჩებს.

„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით http://www.gwp.ge