არჩილ თალაკვაძე - ჩვენი ხელისუფლების პირობებში, საზღვარგარეთ არჩევნებისთვის რეგისტრირებულ მოქალაქეთა რაოდენობა 44%-ით, ხოლო მათი მაჩვენებელი, ვინც საზღვარგარეთ არჩევნებში მიიღო მონაწილეობა, 100%-ით არის გაზრდილი

საპარლამენტო უმრავლესობის დეპუტატი, არჩილ თალაკვაძე პასუხობს ოპოზიციური პარტიების კრიტიკას, რომელიც ემიგრანტების არჩევნებში ჩართვას გულისხმობს და აღნიშნავს, რომ მათი ხელისუფლების პირობებში საზღვარგარეთ არჩევნებისთვის რეგისტრირებულ საქართველოს მოქალაქეთა რაოდენობა გაზრდილია 44%-ით, ხოლო თანამოქალაქეების რაოდენობა, რომლებმაც არჩევნებში მონაწილეობა მიიღეს საზღვარგარეთ, გაზრდილია 100%-ით.

მისივე განმარტებით, ოპოზიცია “სპეკულირებს”, თითქოს მმართველი გუნდი ხელოვნურად უშლის ხელს ემიგრანტებს, რომ არჩევნებში მიიღონ მონაწილეობა.

“ემიგრაციაში მყოფ ჩვენს თანამემამულეებს კონსტიტუციური და კანონით გარანტირებული უფლება აქვთ, რომ არჩევნებში მონაწილეობა მიიღონ. ეს უფლება ყოველ არჩევნებზე განუყრელად ხორციელდება. რა თქმა უნდა, ნებისმიერს, ვისაც სურს, რომ არჩევნებში მისცეს ხმა, შეუძლია ამისი გაკეთება სათანადო რეგისტრაციის შემდეგ, რომელსაც საგარეო საქმეთა სამინისტრო და ცენტრალური საარჩევნო კომისია უზრუნველყოფენ.

მე მინდა გითხრათ მონაცემები და ვუპასუხო იმ აბსოლუტურ კრიტიკას, რომელსაც მიმართავს რადიკალური ოპოზიცია. ჩვენი ხელისუფლების პირობებში საზღვარგარეთ არჩევნებისთვის რეგისტრირებულ ჩვენი მოქალაქეთა რაოდენობა გაზრდილია 44%-ით, ხოლო ჩვენი თანამოქალაქეების რაოდენობა, რომლებმაც მიიღეს არჩევნებში მონაწილეობა საზღვარგარეთ, გაზრდილია 100%-ით. ეს იმის პასუხად, როდესაც ოპოზიცია სპეკულირებს, რომ თითქოს ჩვენ ხელოვნურად ხელს ვუშლით ჩვენს თანამემამულეებს, რომ არჩევნებში მიიღონ მონაწილეობა. ეს გახლავთ სიცრუე, პირიქით, ორივე მაჩვენებელი გაუმჯობესებულია”, - აღნიშნა არჩილ თალაკვაძემ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა