USAID-ის სამხრეთ კავკასიის რეგიონული წყლის მართვის პროგრამა და „მერების შეთანხმების“ აღმოსავლეთის ოფისი მუნიციპალიტეტების მერებს უმასპინძლებს

USAID-ის სამხრეთ კავკასიის რეგიონული წყლის მართვის პროგრამა ევროკავშირის მიერ დაფინანსებულ პროექტ „მერების შეთანხმების“ აღმოსავლეთის ოფისთან პარტნიორობით, სასტუმრო „რედისონ ბლუ ივერიაში“ „მერების შეთანხმების“ ხელმომწერ თვითმმართველობების წარმომადგენლებს უმასპინძლებს.

ორგანიზატორების ინფორმაციით, ღონისძიებაზე, რომელსაც საქართველოს 32 მუნიციპალიტეტის ადგილობრივი ხელისუფლების წარმომადგენელი დაესწრებიან, მუნიციპალური წყლის რესურსების მართვას, წყლის უსაფრთხოებასა და წყალთან დაკავშირებულ კლიმატის ცვლილებასთან ადაპტაციას განიხილავენ.

ღონისძიების მიზანია, ხელი შეეწყოს დიალოგს წყლის რესურსების მართვის შესახებ საქართველოს ახლად მიღებული კანონის გავლენებზე ურბანული წყლის რესურსების მდგრად მართვაში. მონაწილეებმა გაიღრმავონ და გააზიარონ არსებული ცოდნა წყლის უსაფრთხოებასა და წყლის რესურსების მდგარდი მართვის მნიშვნელობაზე კლიმატისადმი მედეგი ადგილობრივი განვითარების კონტექსტში და იმსჯელონ კლიმატის ცვლილების პირობებში წყლის რესურსების მდგრად მართვაში ადმინისტრაციული ერთეულების კონკრეტულ საჭიროებებსა და გამოწვევებზე.

მომხსენებლები მონაწილეებთან ისაუბრებენ წყლის რესურსებისა და გარემოს მართვაზე მუნიციპალიტეტებში, მდინარის სააუზო მართვის მიდგომებზე, მუნიციპალიტეტებში ბუნებრივი კატასტროფების რისკის შემცირებასა და წყლის უსაფრთხოების გაუმჯობესებაზე ბუნებრივ გადაწყვეტებზე დაფუძნებული მეთოდების გამოყენებით.

ღონისძიებაზე ისაუბრებენ რეგიონული განვითარებისა და ინფრასტრუქტურის მინისტრის მოადგილე, მზია გიორგობიანი და საქართველოს გარემოს დაცვისა და სოფლის მეურნეობის მინისტრის მოადგილე, ნინო თანდილაშვილი.

დამსწრეებს ასევე სიტყვით მიმართავენ USAID-ის სამხრეთ კავკასიის რეგიონული წყლის მართვის პროგრამის ხელმძღვანელი, ერიკ ვიალა, USAID-ის კავკასიის ოფისის დელეგატები და “მერების შეთანხმების” აღმოსავლეთის ოფისის გუნდის ხელმძღვანელი, კრისტოფ ფრერინგი“,- ნათქვამია ინფორმაციაში.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა