უკრაინის საჰაერო ძალების ინფორმაციით, რუსების მიერ გაშვებული Shahed-ის ტიპის 10 დრონი ჩამოაგდეს.

„2024 წლის 27 მარტის ღამეს, მტერმა რუსეთის კურსკის ოლქიდან დრონების გამოყენებით შეტევა განახორციელა“, - აცხადებს უკრაინის საჰაერო ძალები.

სულ რუსებმა უკრაინის მიმართულებით 13 უპილოტო საფრენი აპარატი გაუშვეს.

უკრაინის საჰაერო ძალების ცნობით, საჰაერო თავდასხმის მოგერიებაში საზენიტო-სარაკეტო ქვედანაყოფები და მობილური საცეცხლე ჯგუფები მონაწილეობდნენ.