შალვა პაპუაშვილი - ველოდი, პაველ ჰერჩინსკი მწუხარებას გამოთქვამდა, რომ საელჩო იყო ინსტრუმენტი მართლმსაჯულებაზე თავდასხმისა, მაგრამ ვისმენთ, რომ საჭიროა მოსამართლეების შემოწმება - შესამოწმებელი არიან „ენჯეოები“ და ნინო ლომჯარია

მოველოდი, რომ ის [პაველ ჰერჩინსკი] მწუხარებას მაინც გამოთქვამდა, რომ ევროკავშირის საელჩო იყო ინსტრუმენტი ქართულ მართლმსაჯულებაზე ყალბი თავდასხმისა. ნაცვლად ამისა ვისმენთ, რომ თურმე საჭირო არის ქართველი მოსამართლეების კეთილსინდისიერების [შემოწმება], - ამის შესახებს საქართველოს პარლამენტის თავმჯდომარემ, შალვა პაპუაშვილმა ჟურნალისტებს განუცხადა.

მისივე მტკიცებით, ქვეყანაში თუ კი ვინმეს კეთილსინდისიერება არის შესამოწმებელი, ეს არის არასამთავრობო სექტორი და ყოფილი სახალხო დამცველი, ნინო ლომჯარია.

„გუშინ მოქმედი ელჩის განცხადება "ვეტინგთან" დაკავშირებით გამიკვირდა. მე მოველოდი, რომ ის მწუხარებას მაინც გამოთქვამდა, რომ ევროკავშირის საელჩო იყო ინსტრუმენტი ქართლ მართლმსაჯულებაზე ყალბი თავდასხმისა. ფაქტობრივად, 2 წელია ასეთი განცხადებების გამო ქართული მართლმსაჯულება და კონკრეტული მოსამართლეები თავდასხმის ობიექტი არიან. გუშინ, ნაცვლად იმისა, რომ ევროკავშირის მოქმედი ელჩისგან მწუხარება მოგვესმინა, რომ თავის დროზე ყოფილი ელჩის განცხადებამ საზოგადოება შეცდომაში შეიყვანა, კონკრეტული მოსამართლეების მიმართ უსამართლო იყო, არ ეყრდნობოდა ფაქტებს და იყო მადისკრედიტირებელი ქართული მართლმსაჯულების მიმართ, ვისმენთ, რომ თურმე საჭირო არის ქართველი მოსამართლეების კეთილსინდისიერების [შემოწმება]. თუ კი ვინმეს კეთილსინდისიერება არის შესამოწმებელი, ეს არის ჩვენი „ენჯეო“ სექტორი. ამ კონკრეტულ საკითხთან დაკავშირებით მათი "ტროიკების" განცხადებები გაიხსნეთ. როდესაც ამ საკითხებზე ამხანაგურ სასამართლოებს აწყობდნენ და გამოიტანეს განაჩენი, გადაწყვეტილება, რომ ნიკა გვარამია არა თუ მართალია ამ საქმეში, თურმე დანაშაულიც კი არ არსებობდა. თუ კი ვინმეს კეთილსინდისიერება არის შესამოწმებელი, ეს არის ყოფილი სახალხო დამცველი. რომელმაც სასამართლოსაც კი მიმართა თავისი დასკვნით და ამბობდა, რომ აქ არა თუ მართალია ნიკა გვარამია, დანაშაულიც კი არ არსებობს. ამ ყოფილმა სახალხო დამცველმა ამერიკის შეერთებული შტატების მედალი მიიღო, საფრანგეთის მედალი მიიღო და არის "ტაშდაკრული" ყოფილი სახალხო დამცველი. მისი ყოფილი მოადგილე დღეს ამერიკის შეერთებული შტატების საელჩოში მუშაობს, ის, ვინც ზუსტად ეს ყალბი დასკვნა შეადგინა მაშინ.

ეს თავდასხმები ქმნის შემდეგ აღქმებს ქართულ მართლმსაჯულებასთან დაკავშირებით, მერე გვიბრუნდებიან იგივე აქტორები (ელჩები, სხვა უცხოური აქტორები) და გველაპარაკებიან აღქმებზე, რომ საქართველოში არსებობს რაღაც აღქმა მართლმსაჯულებასთან დაკავშირებით. საქმე იმაშია, რომ ეს აღქმები თუ კი ვინმეს აქვს, შექმნილი არის სწორედ ასეთი არაკეთილსინდისიერი განცხადებებით ყოფილი ელჩებისა, „ენჯეო“ სექტორისა (რომელიც ფინანსდება ამ საელჩოებისგან და ამ წყაროებიდან, რომლის დაფინანსების წყაროები ცალკე გაუმჭვირვალეა და ეს პრობლემა ცალკე დგას) და შემდეგ თავისივე მიერ შექმნილ აღქმებზე გვეუბნებიან, რომ საქართველოს მოსამართლეების კეთილსინდისიერება უნდა გადამოწმდეს“, - განაცხადა პაპუაშვილმა.

პაპუაშვილის შეფასებით, ახლა ქართული მართლმსაჯულების წინააღმდეგ ორკესტრირებული კამპანია მიმდინარეობს.

„მსჯელობის ფარგლებში გამოიკვეთა, რომ არანაირი არგუმენტი არ არსებობს არავის მხარეს, რომ არსებობს ისეთი სისტემური გამოწვევები, რომელიც ასეთ რადიკალურ ჩარევას საჭიროებს და ამიტომ "ვეტინგი: საჭირო არ არის.

"ვეტინგი" უცხო ქვეყნის მოქალაქეების მონაწილეობით არის კონსტიტუციის წინააღმდეგ და კატეგორიულად მიუღებელი ქართველი ხალხისთვის. ჩვენ აქ პოლონელი, ჰოლანდიელი და ლიტველი ექსპერტების ჩართვას არავინ არ აპირებს. ეს არის მიუღებელი“, - აღნიშნა პარლამენტის თავმჯდომარემ.

ცნობისთვის, საქართველოში ევროკავშირის ელჩმა, პაველ ჰერჩინსკიმ განაცხადა, რომ "თუ მივუბრუნდებით გაფართოების პირველ ანგარიშს, რომელიც ევროკომისიამ საქართველოსთვის შეიმუშავა გასულ წელს, დავინახავთ მოსამართლეების კეთილსინდისიერების ხარისხის შემოწმების საჭიროებას და ეს საერთაშორისო ექსპერტების მონაწილეობით უნდა მოხდეს".

ელჩის თქმით, საბოლოო მიზანი არის დამოუკიდებელი და პროფესიონალური სასამართლო სისტემის მიღება, რომელმაც საქართველოში დემოკრატია უნდა გააძლიეროს.

„თუ მივუბრუნდებით გაფართოების პირველ ანგარიშს, რომელიც ევროკომისიამ საქართველოსთვის შეიმუშავა გასულ წელს, რომელიც გამოქვეყნებულ იქნა გასული წლის ოქტომბერში, დავინახავთ მოსამართლეების კეთილსინდისიერების ხარისხის შემოწმების საჭიროებას და ეს უნდა მოხდეს საერთაშორისო ექსპერტების მონაწილეობით. როგორ უნდა გავაკეთოთ ეს, როგორი უნდა იყოს პროცედურა, ამის განხილვა საჭიროა ჩვენს ქართველ კოლეგებთან“, - განაცხადა ელჩმა.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო