შალვა პაპუაშვილი - კეთილსინდისიერების პრობლემა არსებობს იმ ჯგუფებში, სადაც კრიმინალ სააკაშვილს მეგობრად მოიხსენიებენ - შენიშვნებს იმ ადამიანებისგან ვერ მივიღებთ, რომლებიც სამართალს, კანონსა და დემოკრატიას ასე ხედავენ

თუკი სადმე კეთილსინდისიერების პრობლემა არსებობს, არსებობს იმ ჯგუფებში, სადაც კრიმინალ მიხეილ სააკაშვილს ხელს ართმევდნენ და მეგობრად მოიხსენიებენ - მითითებებსა და შენიშვნებს მართლმსაჯულებასა და დემოკრატიულ ინსტიტუტებზე იმ ადამიანებისგან ვერ მივიღებთ, რომლებიც სამართალს, კანონსა და დემოკრატიას ასე ხედავენ! - აღნიშნული განცხადება ჟურნალისტებთან პარლამენტის თავმჯდომარემ შალვა პაპუაშვილმა გააკეთა.

როგორც ამ კონტექსტში პაპუაშვილმა აღნიშნა, რომ არა სუს-ის მოქმედება და მიხეილ სააკაშვილის დაკავება, „ბევრმა უცხოეთში ქართველი ხალხის არეულობისთვის გასწირა“.

„სააკაშვილი სასჯელისა და სანქციებისგან გვერდის ავლით ევროპაში თავისუფლად გადაადგილდებოდა, იმ კაბინეტებში დადიოდა, სადაც დღეს ზურაბ ადეიშვილს ვხედავთ, მას ხელს ართმევდნენ, კონგრესებზე ეპატიჟებოდნენ და ამით აგულიანებდნენ, რათა საქართველოში საკუთარი რადიკალური დღის წესრიგი გაეგრძელებინა. ბევრმა უცხოეთში ქართველი ხალხი გასწირა იმისთვის, რომ სააკაშვილი ჩუმად შემოპარულიყო. რომ არა ჩვენი უსაფრთხოების სამსახურის მოქმედება, რომელმაც სააკაშვილის შემოპარვა დროულად გამოავლინა, დაიჭირა და ზის იქ, სადაც ზის, ვინ იცის, დღეს რა იქნებოდა - ვისი ტყვია გავარდებოდა და ვისი ტანკი დადგებოდა თბილისის ქუჩებში. დღეს როდესაც მართლმსაჯულების კეთილსინდისიერებზე გველაპარაკებიან, მიხეილ სააკაშვილის წინააღმდეგ განაჩენები ზუსტად იმ სასამართლომ გამოიტანა, რომელი სასამართლოს გადაწყვეტილებები სტრასბურგმა რამდენჯერმე მოიწონა. სად არის იმ ხალხის ბოდიშები, ვინც მიხეილ სააკაშვილს ხელს ართმევდა და მას ასეთი საქციელისკენ აგულიანებდა?! - რომ არა სუს-ის მოქმედება, ჩვენ ფაქტობრივად არეულობისთვის გაგვწირეს ისე, რომ შემდგომ არც არავინ წუხილი არ გამოუხატავს და ბოდიში არ მოუხდია! არც არავინ თქვა, რომ არ იცოდნენ სააკაშვილი ამას თუ დააპირებდა. სააკაშვილი დღემდე არის უკრაინის პრეზიდენტის მრჩეველთა საბჭოს თავმჯდომარე. ზოგიერთი უკრაინელი პოლიტიკოსისგან ისმის ქედმაღლური განცხადებები იმის შესახებ, რომ თურმე სააკაშვილი უნდა გადავცეთ. დღემდე ევროპის სახალხო პარტიის კონგრესზე იწვევენ და ახსენებენ“, - განაცხადა შალვა პაპუაშვილმა.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა