გორის მუნიციპალიტეტის სოფელ საქაშეთის დევნილთა დასახლებაში საგზაო ინფრასტრუქტურის მოწესრიგდება გრძელდება.

გორის მერიის ინფორმაციით, სარეაბილიტაციო მონაკვეთის სიგრძე 2 620 მეტრია. გზის რეაბილიტაცია დასახლების ყველა ქუჩაზეა დაგეგმილი.

როგორც ინფორმაციაშია აღნიშნული, სამუშაოები რეგიონებში განსახორციელებელი პროექტების ფონდისა და გორის მერიის თანადაფინანსებით ხორციელდება და მისი ღირებულება 1 499 498 ლარია.

„პროექტის მიხედვით, როგორც ტრანსპორტის სავალი ნაწილი, ასევე სანიაღვრე არხები მოეწყობა. სამუშაოების დასრულების შემდეგ, დევნილებს დაზიანებული გზის საფარით გამოწვეული პრობლემები აღარ შეაწუხებთ.საგზაო ინფრასტრუქტურა გორის მუნიციპალიტეტში არსებულ სხვა ყველა დევნილთა დასახლებაში უკვე მოწესრიგებულია.

სამუშაოები მიმდინარეობს საქაშეთშიც - გზების მოვლა - პატრონობის პროექტით, მიმდინარეობს შიდა გზების ფრაქციული ღორღით მოწყობა.

სოფლებში შიდა საუბნო და ცენტრალური გზები ეტაპობრივად მოწესრიგდება“, - ნათქვამია ინფორმაციაში.