საქართველოს პრემიერ-მინისტრის, ირაკლი კობახიძის განცხადებით, ოპოზიციის გარკვეულ წარმომადგენლებს ძალიან უნდათ მხარი დაუჭირონ ლგბტ პროპაგანდის საწინააღმდეგო კანონპროექტს, მაგრამ "საკუთარი პატრონები ამის უფლებას არ მისცემენ".

მისივე შეფასებით, „უკიდურესად არაპოპულარული იქნება მათი მხრიდან თავის შეკავება, ამ კანონპროექტის მხარდაჭერაზე“.

„მე დარწმუნებული ვარ, რომ კოლექტიური „ნაცმოძრაობას“ ძალიან უნდა ხმის მიცემა. გამომდინარე იქიდან, რომ უკიდურესად არაპოპულარული იქნება მათი მხრიდან თავის შეკავება ამ კანონპროექტის მხარდაჭერაზე. დარწმუნებული ვარ, მათ ძალიან უნდათ ხმის მიცემა, მაგრამ უბრალოდ საკუთარი პატრონები ამის უფლებას არ მისცემენ. ეს არის ერთადერთი, რის გამოც მათ შეიძლება შეიკავონ თავი“, - განაცხადა კობახიძემ.