ნინო ვარდოსანიძე მამუკა გუგეშაშვილს - თქვენ ხართ იმ გუნდში, რომლის ლიდერიც იყო გენერალური პროკურორის მოადგილე იმ პროკურატურისა, რომელმაც “გააოგნა” ადამიანის უფლებათა ევროპული სასამართლო

თბილისის საკრებულოს სხდომაზე საკრებულოს სახელდებისა და სიმბოლიკის კომისიის თავმჯდომარე ნინო ვარდოსანიძე გამოეხმაურა საკრებულოს დამოუკიდებელი წევრის მამუკა გუგეშაშვილის განცხადებას ახალი პარტიის შექმნის შესახებ.

როგორც ნინო ვარდოსანიძემ აღნიშნა, ამ პარტიას სათავეში უდგას გენერალური პროკურორის ყოფილი მოადგილე, რომელმაც თავის დროზე ადამიანის უფლებათა ევროპული სასამართლო „გააოგნა“.

„ბატონმა მამუკამ მოგვილოცა ახალი გუნდის დაარსება. სინამდვილეში კი, ყველაფერი ახალი კარგად დავიწყებული ძველია. ამ შემთხვევაში ეს ახალი არც ისეთი ახალია და არც ისეთი დავიწყებული. შეხსენებისთვის, თქვენ ხართ იმ გუნდში, რომლის მთავარი ლიდერიც იყო გენერალური პროკურორის მოადგილე იმ პროკურატურის, რომელმაც „გააოგნა“ ადამიანის უფლებათა ევროპული სასამართლო“, - განაცხადა ნინო ვარდოსანიძემ.

ნინო ვარდოსანიძის მინიშნება ეხება ევროპის ადამიანის უფლებათა სასამართლოს განაჩენს სანდროს გირგვლიანის საქმესთან დაკავშირებით, რომელშიც აღნიშნულია, რომ „სასამართლო გაოგნებულია იმ ფაქტის გამო, რომ არც პროკურატურა და არც ადგილობრივი სასამართლოები არ შეეცადნენ გაერკვიათ“ საქმის რამდენიმე ძირითადი გარემოება.“

საკრებულოს სახელდებისა და სიმბოლიკის კომისიის თავმჯდომარემ ყველას მიულოცა ფეხბურთში საქართველოს ეროვნული ნაკრების წარმატება და ევროპის 2024 წლის ჩემპიონატზე გასვლა.

„მოგილოცავთ ყველას ეროვნული ნაკრების გამარჯვებას. ნამდვილად მნიშვნელოვანი და ისტორიული შედეგია. ეს არის ის, რაც რჩება ისტორიას. მინდა, ჩვენს ფეხბურთელებს, ნაკრებს წარმატებები ვუსურვო“, - დასძინა ნინო ვარდოსანიძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე