ირაკლი ნადირაძე - ჩვენს ემიგრანტებს განსაკუთრებული წვლილი შეაქვთ ქვეყნის ეკონომიკურ განვითარებაში, ამიტომ ხელისუფლებამ უნდა გაითვალისწინოს მათი ინტერესები და გახსნას დამატებით უბნები საზღვარგარეთ

ჩვენს ემიგრანტებს განსაკუთრებული წვლილი შეაქვთ ჩვენი ქვეყნის ეკონომიკურ განვითარებაში, ამიტომ ხელისუფლებამ უნდა გაითვალისწინოს მათი ინტერესები და გახსნას დამატებით უბნები საზღვარგარეთ, - განაცხადა თბილისის საკრებულოს “ერთიანი ნაციონალური მოძრაობის” თავმჯდომარემ, ირაკლი ნადირაძემ.

ირაკლი ნადირაძის თქმით, ემიგრანტებს უნდა ჰქონდეთ საშუალება, რომ აირჩიონ ის, რაც სწორად მიაჩნიათ ჩვენი ქვეყნის მომავლისათვის.

„ფაქტია, რომ ჩვენს ემიგრანტებს განსაკუთრებული წვლილი შეაქვთ ჩვენი ქვეყნის ეკონომიკურ განვითარებაში. რომ არა ეს ადამიანები, უამრავი ოჯახი უბრალოდ შიმშილით მოკვდებოდა. შესაბამისად, წარმოუდგენელია, რომ ეს ადამიანები არ დააფასო და წარმოუდგენელია, რომ ამ ადამიანებს საარჩევნოდ არ ჰქონდეთ შესაძლებლობა მათმა ხმამაც გადაწყვიტოს ჩვენი ქვეყნის მომავლის ბედი. კანონითაც აქვს „ქართულ ოცნებას“ ამის ვალდებულება, რომ სადაც არის ჩვენი ემიგრანტების დიდი ნაწილი, გახსნას საარჩევნო უბნები, ამიტომ ხელისუფლებამ უნდა გაითვალისწინოს მათი ინტერესები. სხვადასხვა ქალაქში დამატებით საარჩევნო უბნების გახსნა არ უკავშირდება დიდ თანხებს. ჩვენს ემიგრანტებსაც უნდა ჰქონდეთ საშუალება, რომ აირჩიონ ის, რაც სწორად მიაჩნიათ ჩვენი ქვეყნის მომავლისათვის“, - განაცხადა ირაკლი ნადირაძემ, რომლის კომენტარს "ნაციონალური მოძრაობა" ავრცელებს.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა