ნინო წილოსანი - ნიკა გვარამიამ უკვე მეორეჯერ იწვნია სილა სტრასბურგის სასამართლოსგან - მისი განაცხადის არმიღებით დადასტურდა, რომ  ნიკა გვარამიას პატიმრობას არანაირი პოლიტიკური საფუძვლები არ ჰქონდა

ნიკა გვარამიამ უკვე მეორეჯერ იწვნია სილა სტრასბურგის სასამართლოსგან, - ამის შესახებ „ქართული ოცნების“ დეპუტატმა ნინო წილოსანმა ჟურნალისტებს განუცხადა, როდესაც გამოეხმაურა „ახალის“ ერთ-ერთი ლიდერის, ნიკა გვარამიას განცხადებას იმის თაობაზე, რომ სტრასბურგის სასამართლომ მისი სარჩელი განსახილველად არ მიიღო.

წილოსანის თქმით, სტრასბურგის სასამართლოს უარით კიდევ ერთხელ დადასტურდა, რომ გვარამიას პატიმრობას პოლიტიკური საფუძველი არ ჰქონდა.

„ნიკა გვარამიამ უკვე, ამ შემთხვევაში, მეორეჯერ იწვნია სილა სტრასბურგის სასამართლოსგან. პირველ შემთხვევაში იყო „რუსთავის 2“-ის საქმე, რომელზეც ზუსტად ასეთივე სპეკულაციები ვრცელდებოდა, სამწუხაროდ, ამ ყველაფერში ჩართული იყო საერთაშორისო პარტნიორების რაღაც ნაწილი. ამ შემთხვევაშიც, მან შეძლო და თავი წარმოადგინა, დააჯერა რიგითი ადამიანები და ჯგუფები, როგორც ქვეყნის შიგნით ისე, ქვეყნის გარეთ, რომ მის დაკავებას ჰქონდა პოლიტიკური საფუძვლები. თუმცა, სტრასბურგის სასამართლომ მისი განაცხადის არმიღებით, რა თქმა უნდა, კიდევ ერთხელ დაადასტურა, რომ ნიკა გვარამიას პატიმრობას არანაირი პოლიტიკური საფუძვლები არ ჰქონდა და ადამიანის უფლებათა დარღვევას არ ჰქონდა ადგილი“, - განაცხადა ნინო წილოსანმა.

გარდა ამისა, მან უპასუხა ჟურნალისტის კითხვას, რამდენად აქვთ შანსი პოლიტიკაში იყვნენ ისეთი პოლიტიკოსები, რომლებიც სასამართლოს მიერ არიან გასამართლებულები.

„ვფიქრობ, რომ 2024 წლის არჩევნებზე ამომრჩეველი ყველაზე გონივრულ გადაწყვეტილებას მიიღებს, მიუხედავად იმისა, რომ კრიმინალებს პოლიტიკაში კანონის მიხედვით აქვთ შესაძლებლობა მონაწილეობა მიიღონ, თუმცა პოლიტიკა იმისთვის, რომ იყოს უფრო მაღალი ხარისხის და დაცლილი ამ კრიმინალისგან ამომრჩეველი თავად გააკეთებს ამ არჩევანს კრიმინალებს პოლიტიკაში დაედება და დაესმება წერტილი“, - განაცხადა წილოსანმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე