რელიგიის საკითხთა სახელმწიფო სააგენტო სომეხთა სამოციქულო ეკლესიის საქართველოს ეპარქიას იესო ქრისტეს აღდგომას ულოცავს.
როგორც რელიგიის საკითხთა სახელმწიფო სააგენტოში განმარტავენ, დღესასწაულთან დაკავშირებულ საზეიმო ლიტურგიას დღეს, თბილისის სურბ ეჩმიაძინის ტაძარში, სომეხთა სამოციქულო ეკლესიის საქართველოს ეპარქიის ეპისკოპოსი, კირაკოს დავთიანი უძღვებოდა.
„სომეხთა სამოციქულო ეკლესიის საქართველოს ეპარქია უდიდეს ქრისტიანულ დღესასწაულს, იესო ქრისტეს აღდგომას ზეიმობს. მაცხოვრის აღდგომა ქრისტიანთათვის ყველაზე დიდი იმედისა და სიხარულის მომტანი დღეა.
დღესასწაულთან დაკავშირებულ საზეიმო ლიტურგიას დღეს, თბილისის სურბ ეჩმიაძინის ტაძარში, სომეხთა სამოციქულო ეკლესიის საქართველოს ეპარქიის ეპისკოპოსი, კირაკოს დავთიანი უძღვებოდა.
საზეიმო მსახურებაზე იმყოფებოდნენ საპარლამენტო პოლიტიკურ ჯგუფ „ხალხის ძალის" თავმჯდომარე სოზარ სუბარი, რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე და ყოფილი პარლამენტარი ვან ბაიბურთი.
საზეიმო წირვას ესწრებოდნენ რელიგიის საკითხთა სახელმწიფო სააგენტოს სტრატეგიული კვლევის, ანალიზისა და რეგიონების სამსახურის ანალიტიკოსი ზვიად ტყაბლაძე და იურისტი ალექსანდრე შეყილაძე“,-აღნიშნულია ინფორმაციაში.
