„ნაციონალური მოძრაობის“ წევრები ქობულეთში, სოფელ ხუცუბანში ავარიული გზის მოწესრიგებას ითხოვენ

„ერთიანი ნაციონალური მოძრაობის“ წევრები ქობულეთში სოფელ ხუცუბანში ავარიული გზის მოწესრიგებას ითხოვენ. აღნიშნულთან დაკავშირებით ინფორმაციას „ერთიანი ნაციონალური მოძრაობა“ ავრცელებს.

მათი ცნობით, აღნიშნული გზა ქალაქთან 5 სოფელს აკავშირებს.

ქობულეთის საკრებულოს ფრაქცია „ერთიანი ნაციონალური მოძრაობის“ თავმჯდომარის, ლაშა კომახიძის თქმით, გზის საფარი მდინარე კინტრიშიდან ინერტული მასალის ამოღებამ და ტერიტორიაზე მძიმეწონიანი მანქანების გადაადგილებამ მწყობრიდან გამოიყვანა.

კომახიძე ცენტრალურ ხელისუფლებას პრობლემის დროული მოგვარებისკენ მოუწოდებს, რომელმაც თავის დროზე მდინარიდან ინერტული მასალის ამოღებაზე ნებართვა გასცა.

„ამ ყველაფრის გამომწვევი მიზეზი მძიმე ტექნიკის გაუთავებელი გადაადგილება გახლავთ, რომელიც მდინარე კინტრიშიდან ამოღებული ინერტული მასალის გამოა გამოწვეული. ამის შედეგად ივანიშვილის პარტიის მესვეურებმა ჯიბეები გაისქელეს და ამ ყველაფრის შედეგად მოქალაქეებს, ხუცუბნელებს, ქობულეთელებს ნორმალურ პირობებში ცხოვრების და გადაადგილების შესაძლებლობა არ ეძლევათ. მთლიანად პასუხისმგებლობა აჭარის ავტონომიური რესპუბლიკის ხელმძღვანელს, თორნიკე რიჟვაძეს და მუნიციპალიტეტის მერს, ლევან ზოიძეს ეკისრება. იმის ნაცვლად, რომ ხელისუფლებამ ხალხზე, ხალხის პრობლემებზე იზრუნოს, მაღალანაზღაურებადი სამუშაო ადგილები შექმნას, ისინი მხოლოდ საკუთარი ჯიბეების გამდიდრებაზე ფიქრობენ“, - განაცხადა ლაშა კომახიძემ.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე