ევროპის საბჭოს ადამიანის უფლებათა კომისარი უკრაინას ეწვევა

ევროპის საბჭოს ადამიანის უფლებათა ახალი კომისარი, მაიკლ ო’ფლაერტი პირველი სამუშაო ვიზიტით უკრაინას ეწვევა. ამის შესახებ ინფორმაციას ევროპის საბჭოს პრესსამსახური ავრცელებს.

„უფრო გადაუდებელს ვერაფერს წარმოვიდგენ, ვიდრე უკრაინაში რუსეთის სრულმასშტაბიანი შეჭრის შედეგებთან გამკლავებაა, რამაც ადამიანების საშინელი ტანჯვა და ნგრევა გამოიწვია“, - განაცხადა მაიკლ ო’ფლაერტიმ.

ასევე, კომისარმა ის სფეროები დაასახელა, სადაც ადამიანის უფლებები უფრო ძლიერ დაცვას საჭიროებს, მათ შორის კლიმატის კრიზისი, ხელოვნური ინტელექტის მართვა, გამოხატვის თავისუფლება, მიგრაცია და სიძულვილის ენის გამოყენების შემთხვევების ზრდა.

ცნობისთვის, მაიკლ ო’ფლაერტი, რომელიც ევროპის საბჭოს საპარლამენტო ასამბლეამ ევროპის საბჭოს ადამიანის უფლებათა კომისრის თანამდებობაზე 24 იანვარს აირჩია, მოვალეობის შესრულებას დღეს შეუდგა.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა