მოსკოვის სასამართლომ „კროკუს სითი ჰოლზე“ თავდასხმაში ეჭვმიტანილ მეათე პირს წინასწარი პატიმრობა შეუფარდა, - ამის შესახებ ინფორმაციას რუსული მედია ავრცელებს.

მოსკოვის ბასმანის რაიონულმა სასამართლომ 22 მარტს საკონცერტო დარბაზ „კროკუს სითი ჰოლზე“ განხორციელებული თავდასხმის საქმეზე მეათე ეჭვმიტანილს 22 მაისამდე წინასწარი პატიმრობა შეუფარდა.

მოსკოვის სასამართლოს ცნობით, ეჭვმიტანილი სახელად იაკუბჯონი იუსუფზოდა ტაჯიკეთის მოქალაქეა.

გამოძიების ინფორმაციით, მან თავდასხმის ერთ-ერთ სავარაუდო მონაწილეს პირადი საბანკო ბარათით თანხა გადაურიცხა.