შალვა პაპუაშვილი - ვაპირებთ, დავარწმუნოთ ჩვენი მეგობრები, რომ როდესაც არის უსამართლო გადაწყვეტილებები საქართველოს მოქალაქეების წინააღმდეგ, პირველ ყოვლისა, ეს აზიანებს მათ რეპუტაციას, ვინც ამ უსამართლო სანქციებს აწესებს

ვაპირებთ, დავარწმუნოთ ჩვენი მეგობრები, რომ როდესაც არის უსამართლო გადაწყვეტილებები საქართველოს მოქალაქეების წინააღმდეგ, პირველ ყოვლისა, ეს აზიანებს მათ რეპუტაციას, ვინც ამ უსამართლო სანქციებს აწესებს, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.

როგორც პარლამენტის თავმჯდომარემ აღნიშნა, როდესაც სტრატეგიული პარტნიორი ქვეყნიდან შენი ქვეყნის მოსამართლეები სანქცირდებიან ორი აზრი არ არსებობს, რომ პარტნიორ მხარეს მტკიცების განსაკუთრებული ტვირთი აქვს.

,,ვაპირებთ, დავარწმუნოთ ჩვენი მეგობრები, როდესაც არის უსამართლო გადაწყვეტილებები საქართველოს მოქალაქეების წინააღმდეგ, პირველ ყოვლისა, ეს აზიანებს მათ რეპუტაციას, ვინც უსამართლო სანქციას აწესებს. ამიტომ არის მნიშვნელოვანი, რომ იყოს გარკვეული. ანაბანაზე ვსაუბრობთ. რაღაც მომენტში სირცხვილიც კი არის ამაზე საუბარი. რაზე ვსაუბრობთ, ბრალის გამჭვირვალობაზე, ბრალის მტკიცებულებებზე, ვსაუბრობთ ელემენტარულ საკითხებზე. თავი რომ დავანებოთ იმას, რამხელა დონის თემაა, როდესაც სტრატეგიული პარტნიორი ქვეყნიდან შენი ქვეყნის მოსამართლეები სანქცირდებიან. ორი აზრი არ არსებობს, რომ პარტნიორ მხარეს მტკიცების განსაკუთრებული ტვირთი აქვს და განსაკუთრებული სენსიტიურობა უნდა გამოიჩინოს ამ საკითხის მიმართ,’’ - განაცხადა პაპუაშვილმა.

შალვა პაპუაშვილის განცხადებით, სისხლის სამართალშიც და ადამიანურ ურთიერთობებშიც არსებობს მარტივი პრინციპი, ვინც აყენებს ბრალს, მის მხარეს არის მტკიცების ტვირთიც.

"ლაშა ჩხიკვაძის შემთხვევაში, სტრასბურგმა დაადასტურა, რომ ისიც სანქცირებულია საელჩოს მხრიდან. ვიცით, რომ მოსამართლე ლაშა ჩხიკვაძე სანქცირებულია საელჩოს მიერ, თავადაც თქვეს და ჩახსნეს პროგრამებიდან. დავიწყოთ ამ ნაბიჯიდან და თუკი კეთილსინდისიერად უდგებიან ამ გადაწყვეტილებას, ამ სანქციის მოხსნის გადაწყვეტილება ვნახოთ.

რაც შეეხება სხვა სანქციებს, მაშინაც მქონდა მაშინდელ ელჩთან შეხვედრა და ვკითხე, ვთხოვე, მოეწოდებინა, რა მასალები არსებობს ამასთან დაკავშირებით. მისი პასუხი იყო, გავეცნო ჟურნალ-გაზეთებს. ეს სერიოზული არ არის. სისხლის სამართალშიც და ადამიანურ ურთიერთობებშიც არსებობს მარტივი პრინციპი, ვინც აყენებს ბრალს, მან უნდა ამტკიცოს და არა იმან, ვისაც უყენებენ ბრალს. ადამიანურ ურთიერთობებშიც ასეა. თქვენ თუ ვიღაც რაღაცას გაბრალებთ, მან უნდა ამტკიცოს. როდესაც მე ვიკითხე, რა იყო ამის მტკიცებულება, იყო მითითება ჟურნალ-გაზეთებზე, არ ვიცი ახლა, ჟურნალ-გაზეთებზე დაყრდნობით რა გადაწყვეტილება მიიღება,’’ - განაცხადა შალვა პაპუაშვილმა.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა