მამუკა მდინარაძე - ვიდრე „ვეტინგზე“ თითს დაგვიქნევენ, მანამდე ადეიშვილი გადასცენ საკუთარ ქვეყანას, რომელიც ამ კაცმა გააუბედურა - გადმოგვცენ და მერე ვილაპარაკოთ, რა დავხუროთ და რა არა

სანამ „ვეტინგზე“ თითს დაგვიქნევენ, მანამდე ადეიშვილი გადასცენ საკუთარ ქვეყანას, რომელიც ამ კაცმა გააუბედურა - გადმოგვცენ და მერე ვილაპარაკოთ, რა დავხუროთ და რა არა, - ამის შესახებ საპარლამენტო უმრავლესობის ლიდერმა, მამუკა მდინარაძემ ჟურნალისტებთან საუბრისას განაცხადა.

მისივე თქმით, ზურაბ ადეიშვილის საკითხზე საქართველოს ხელისუფლებას რეაქცია ექნება.

„ვეტინგებს და სხვა თემებს რომ ჩაგვჩიჩინებენ, ჩვენ, რომ ვხურავთ და ისინი არ გვახურვინებენ და გვეუბნებიან არ დახუროთო და თითს რომ გვიქნევენ, ვინც არ უნდა იყოს, ჯერ მიხედონ ადეიშვილს, უსასტიკეს დამნაშავეს, სისხლიან დამნაშავეს, მწამებელს და ადამიანების გაუპატიურების შემკვეთ დამნაშავეს, რომელიც თავისუფლად გადაადგილდება დღეს ევროპის ქუჩებში. მას მიხედონ და ობიექტურობაზე მერე ვილაპარაკოთ. ამაზე, რა თქმა უნდა, ჩვენ ჩვენი რეაქციები გვექნება. უკვე მართლა ბოლო წვეთები გადმოდის იმ ფიალიდან, რომლის ატანაც არ შეიძლება, წარმოუდგენელია. როგორ შეიძლება, შენ გეუბნებოდეს ვიღაც, იცი რა, რომ ვეტინგს, რომელსაც ზურაბ ადეიშვილი ახორციელებს სადღაც უკრაინასა თუ სხვა ქვეყანაში, უნდა დაეთანხმო და ამ დროს, პირდაპირი გაგებით სისხლისმსმელი ეს ადამიანი თავისუფლად გადაადგილდება ევროპის ქუჩებში. სანამ ვეტინგზე თითს დაგვიქნევენ, რომ იცი რა, ამ ვეტინგზე არ გაბედო და არ დახურო თემა, მანამდე ადეიშვილი გადასცენ საკუთარ ქვეყანას, რომელიც ამ კაცმა გააუბედურა. გადმოგვცენ და მერე ვილაპარაკოთ რა დავხუროთ და რა არა. არ შეიძლება მართლა ასეთი დამოკიდებულება“, - განაცხადა მდინარაძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე