ისრაელის თავდაცვის ძალები ღაზაში ჰუმანიტარული დახმარების მუშაკების დაღუპვის ფაქტს გამოიძიებს

ისრაელის თავდაცვის ძალები ღაზაში ჰუმანიტარული დახმარების მუშაკების დაღუპვის ფაქტს გამოიძიებს, - ამის შესახებ ისრაელის თავდაცვის ძალების პრესსპიკერმა, დანიელ ჰაგარიმ განაცხადა.

„გუშინ ღამით, ღაზაში ინციდენტი მოხდა, რის შედეგადაც, World Central Kitchen-ის თანამშრომლები ტრაგიკულად დაიღუპნენ, როდესაც ისინი თავიანთ მისიას ასრულებდნენ. როგორც საერთაშორისო სამართლის ერთგული პროფესიონალური არმია, მზად ვართ, რომ ჩვენი ოპერაციები საფუძვლიანად და გამჭვირვალედ შევისწავლოთ“, - განაცხადა დანიელ ჰაგარიმ.

დანიელ ჰაგარიმ აღნიშნა, რომ ჰუმანიტარული ორგანიზაციის, World Central Kitchen-ის დამფუძნებელს, ხოსე ანდერსს ესაუბრა და ორგანიზაციის თანამშრომლების დაღუპვის გამო ღრმა მწუხარება გამოთქვა.

„ჩვენ ინციდენტს უმაღლეს დონეზე განვიხილავთ, რათა გავიგოთ რა მოხდა და როგორ მოხდა“, - აღნიშნა დანიელ ჰაგარიმ.

შეგახსენებთ, ჰუმანიტარული ორგანიზაციის, World Central Kitchen-ის ინფორმაციით, ღაზაში ისრაელის სარაკეტო დარტყმას ორგანიზაციის 7 თანამშრომელი ემსხვერპლა. დაღუპულებს შორის ავსტრალიის, პოლონეთის, გაერთიანებული სამეფოს, აშშ-ის, კანადისა და პალესტინის მოქალაქეები არიან.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა